我隻鼠鼠唔知做咩ar!!!!!好擔心ar!!!!

唔好俾牛奶俾佢飲,因為牛奶好易令鼠鼠肚瀉,鼠鼠生b後都只可以飲奶粉沖既奶,而平日係唔需要飲既,鼠鼠生病可以俾白麵包及麥片佢食

只係話冇力好難單憑咁去知道鼠鼠咩事,可以留意返以下問題:

A.冷親
留意鼠鼠會唔會有好凍,呼吸好慢既情況,就要馬上令鼠鼠慢慢溫暖返(唔可以突然好熱),如果真係都好凍,就要馬上睇醫生了
野生既倉鼠其實10度or突然凍左好多都可以冬眠,但由於倉鼠被當成寵物之後,已經好少會冬眠,冬眠既能力已經好弱,所以唔可以俾冬眠呢個行為發生,唔係好易死既


凍既時候,可以用鼠專用棉,同埋用多d木糠,再放鼠鼠去適當既位置,一般在室內,其實都會夠暖,真係唔夠暖既可以開暖氣之類

籠擺放既位置要留意以下幾點:
1)要放在通風陰涼處
2)唔好電視等等好嘈既地方附近
3)唔好放在俾雨淋到既地方
4)唔好放在曬到既地方
5)唔好放在冷氣風口位
6)唔好放在太凍or太熱位置

B.感冒
天氣咁凍,唔冬眠都有機會令鼠鼠感冒,感冒多數係會有鼻水,呼吸困難,唔食野唔飲水,仲會好累,甚至會流眼水.如果連同打冷震,打乞嚏既話,嚴重起唻會係肺炎

感冒同肺炎係可以致命架,一定要小心處理.最好睇下醫生,不過新年未必會開,可以打去問下:
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/

平d可以睇愛護動物協會,但嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

唔會去睇又或未咁快去到既,可以做以下既野先:
1)有第隻鼠既話要分籠,唔係會傳染(鼠鼠本身係獨居動物,冇事都係分籠會對鼠鼠好d)
2)保持周圍既環境衛生
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.
6)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)

C.身體其他問題
都可能係其他唔舒服令鼠鼠冇晒力,檢查鼠鼠身體及排泄物有冇異常,定係會唔會鼠鼠只係太熟睡呢?
同一籠又會唔會有第隻鼠?因鼠鼠係獨居動物,唔慣同第隻鼠住,如果有第隻鼠一齊,會令鼠鼠感到壓力OR受驚,受驚都可以會有縮埋唔郁既情況,加上鼠鼠有唔舒服,更要獨立飼養

最近咁凍,你有冇比足夠既衫你隻鼠鼠著牙?
如果打唔開眼眼....四支冇力.....扒左係度....縮埋一角,
我怕佢痛左,你試下帶佢睇醫生啦,
因為好難知佢咩事