有無人會原諒edison?

-----雖然好長但希望各位睇落去 ----
小弟一直都係睇完唔留言ga人 ...
但今次見到呢個標題就有興趣睇下d人點答 ...
睇完之後 .. 啞左 ...
好多人口口聲聲話陳冠希發生左件事之後停留係美國做縮頭烏龜
但係 ... 件事發生之前佢已經係美國
更何況d相出左街之後過左一日佢先知道件事
佢都唔想架
第二樣我想講
頭先講到d人口口聲聲話陳冠希係縮頭烏龜
我又問下你地 如果件事發生係你地身上
你們會否站出來給廣大不滿的市民一個交代呢!?
我相信當件事發生左係每個人身上
果個人個心都會好亂好亂
都應該每一日困係自己間房到發呆,亂諗野
我覺得 講真 以陳冠希呢個人咁貪玩
佢肯錄一段片去同受害者道歉 係一個好冷靜ga行為
最起碼佢冇搵人殺左放相果個人 佢冇追究
只係希望大家可以淡忘呢件事 同埋唔好再睇/上傳呢d相
佢肯定扲出呢一份勇氣去錄呢段片 我覺得值得原諒
第三樣野
你地話陳冠希變態 冇錯佢的確變態
但係佢變態唔變態關我地咩事
色魔都好變態點解唔係呢到開post問[覺唔覺得色魔好變態]
陳冠希都係一個人 每個人都有權利同責任
佢擁有一個英俊的面孔就有權去溝女
佢擁有一部相機就有權影d咁ga相
佢擁有一部電腦就有權去save d 相 比自己慢慢重溫
佢ga責任就係唔好周圍比相人 唔好上傳d相
佢的確冇呀 佢盡左責就有權
你地開呢d post 根本就係想火上加油
等更多人去討論呢件事
令到呢件事愈來愈難被人們淡忘
第4樣野
你地話佢蠢 部電腦有咁多相都仲比人整!?
冇錯佢又係蠢 我想問下各位 你地有冇試過蠢?
我相信十個有9個都答有
差在你蠢係邊 佢又蠢係邊
佢今次蠢左係佢部電腦到
話唔定佢有其他地方精過你呢?
各有各優點 各有各缺點
冇人每一次做野都精架
第五樣野
我覺得陳冠希自己都係受害者
你地話d女星比人睇哂 陳冠希咪又係比人睇哂
即使佢係男仔又點姐
男仔都可以有私隱,秘密
男女係平等架
佢同gill , bobo , 柏芝ga傷害程度係一樣架
陳冠希都已經玩失蹤
佢都知個醜字點寫架
最後我想作一個總結
希望咁多位唔好再火上加油
諗下點樣可以比番d鼓勵同信心歌手
gill聽日都出黎講野
喊係應該ga但我都唔希望佢再話d相係假
佢扮唔到純情就做番佢自己現在比較成熟ga表現啦
我相信會更多人接受
同埋大家都唔好再怪哂陳冠希啦
佢係有錯但不是全錯
其他受害人都有錯就只怪佢地太open啦
比次機會佢地啦
係怪就怪上傳相果個啦 \ _ /
鬼唔望佢快d比人拉!

---我唔係陳冠希 , gill , bobo , 柏芝 ga fans ----

2008-02-11 15:15:32 補充：
我應該算係gill ga fans

其實佢攞部電腦比人整..又點諗過會比人睇到d野呢..
可能佢都驚過...但係佢可能連電腦都開唔到...咁點del左d相先比人整呢??
我原本都覺得edison好賤...但係睇完樓上果位講既野之後...覺得佢都幾有道理...
其實我地係咪要代入edison既角色先好話佢呢??

我好同情佢 俾人說小陰莖

公開長度 周界 真係好慘

講真 . 其實我覺得佢都幾可憐 .
而且其實佢有無同案中女主角搞野 . 有無拍影片都唔關我地事架喎 .
不過佢自己 GE B0DY 就比人睇哂囉 . 老實講 . 其實我都幾同情佢架喎 .
不過咁 . 我就奉勸佢 1 句啦 . 男人老狗 . 做得出唔怕認 . 18 年後又係 1 條好漢
想當年 ... 劉嘉玲 佢區區 1 個弱女子 . 佢仲要真係無辜喎 .
佢又何嘗唔係自己企出黎 . 同全港市民講清楚件事先 ?
反觀陳冠希 . 佢屋企咁有錢 . 講真啦 . 佢要玩都玩夠啦 .
希望佢經歷左今次教訓 . 以後就好好的做人 . 不過事前呢 .
起碼都應該好好地 . 交代番 LE 件事 . 唔好自己走佬 !
而且等我最後講多句啦 . 人人都有過去啦 . 人誰無過 ? 點解我地就唔可以原諒佢 ?
講真 . 其實我地係案中無影響架喎 ? 所以我無憎過佢 . 不過都無好感囉 .

冇話原唔原諒
我都冇受到任何傷害

佢道歉都係想我地delete相
delete唔delete好呢????

佢老母，係有種，係男人就拿拿臨返黎香港交待成件事，我就原諒你喇！就唔柒係度去到個比拉登重要秘密的地方，講埋D講過等於無講的廢話。等你條仲街影得咁開心喇。

其實D相, 真係佢影既, D女主角又係真既, 佢都冇必要要向咁多人交代, 始終都係佢私人既事. 佢自己既性生活同邊個拍拖, 大家諗真D, 唔需要向大家講架喎.
就等於, 住你隔離屋果個問你, 你尋日同條女攪野唻呀?!
你都唔會答, 仲要話佢痴線啦!

攪到咁大, 就係因為報左警囉, 仲上晒頭條囉.
如果唔報警, 一早就話係移花接木, 完全唔理會的話, 可能都有機會呃倒下人既.
日本都有好多依D野架啦, 唔通個個女星, 仲間呀, 上戶彩呀, 竹內結子佢地日日報警喇喎, 過左一陣就唔會理架啦!

但攪倒又要出FBI, 警方又自打咀巴又話捉倒個源頭, 捉倒就唔會又有新相啦?!
根本就係求其搵個人唻祭旗.

件事攪倒咁, 佢出唻講SORRY, 都冇意思, 依家所有野都半桶水!
要救D受害人, 要人唔好SEND D相, 咁自己一早就唔好影啦!
喊晒博同惰果D, 一早唔好比人影米冇事囉!

今次, 都唔係話原唔原諒, 依家攪倒埋大聚, 對警方都失信.
反而已經唔係佢EDISON既私人事.
佢自己既形像依家似PAT屎, 個個都憎左佢, 再做D咩都冇用架啦.

依家要做既就係,
一定要向大家, 有睇新聞既人講清楚件事既來龍去脈.
唔係話匿埋, 有心情時就SEND隻CD比律市講兩句野,
叫人唔好再收埋D相囉!

其實他都無面對問題

一開始時一走了之，浪費人力物力調查相片真偽。到現在仍不知身在何方

他要人原諒，首先他要面對問題，勇於承擔，向各受害者及公眾道歉

他一日未正式道歉，又何談原諒

一天未查明真相, 我一天都唔會原諒~~

我會原諒佢既．．佢都道歉左啦
同埋都ｏｋ有誠意