help!!! 我好易對男朋友發脾氣, 可以教下我控制情緒嗎?

我同男朋友一齊一年半,開頭我脾氣好好,好好耐性,我好鐘意佢,
一開始拍拖佢不停講佢前女友,話佢係完美,仲會攞佢同我比....
佢試過講大話瞞我同佢講電話,玩msn, 3個月之後,我忍唔到,發脾氣,大喊,
我要佢將所有關於佢前女友ge野都消失,唔準搵佢,唔準提佢
但我仲係好神經質,成日覺得佢會搵前女友.....我一唔知佢做緊咩....我就好緊張

其實我話左佢好多野(例如唔打電話俾我, 唔拖我隻手, 成日遲到),
佢話佢都唔想咁樣,佢好自然就做左le d 事出黎,佢都唔想, 而且佢真係有改,
但係最近佢覺得我好過份.....因為佢覺得佢為我改左咁多野, 我仲係唔滿足....
好小事我都鬧佢,但係我真係好不安,我好無安全感,

我份人一唔開心就唔識表達自己, 所以話佢果陣會傷到佢.....
希望各位教我d 方法, Q1)點樣可以心平氣和地講自己ge 意見?.....而且佢會聽的...
仲有,有好多事即使過左好耐, 我都會記住, 無辦法忘記, 好似佢講過大話
我無辦法再信任佢.... Q2)有咩辦法重新建立相方信任, 相方感情?