有感情問題, 想訴苦

上年年頭我開始追一個女仔, 開始既時候都幾好, 重同佢過埋情人節, 我以為佢同我過情人節係一個SINGAL, 暗示大家可以發展落去。

可惜事與願違, 去到三月, 佢突然間唔接我電話, SMS/MSN全部99%唔覆, 佢只會覆我約佢既SMS, 當然全部都係REJECT啦。我心諗, 可能只係自己太快, 嚇怕左佢, 於是就選擇唔搵佢一排先。

過左幾個月, 我八月份又再開始搵返佢, 今次佢既態度唔同左, 雖然都係唔太主動搵我, 之但係我搵親佢, 佢都有回覆。如是者大家又開始不斷咁約會啦, 由最初既AA制, 食完飯大家各自散, 到漸漸發展到我付費, 食完再送佢返屋企。可能我份人比較天真啦, 我會視之為大家有機會發展既CLUE。

到左十二月, 我決定向佢表白, 之不過因為佢公司要攪FUNCTIONS, 所以暫時將個計劃推遲, 不過我都KEEP住同佢聯絡, 而且佢亦都係平安夜百忙之中抽空同我食飯。唔單只我, 我好多朋友都認為我同佢既發展唔錯, 應該可以做到男女朋友。