有關脫墨問題

1.所謂"脫墨"完之後,係退色? 定係完全冇左?
脫墨並唔係退色，而係真係整粒墨冇左。
2.尼個價錢係用咩技術?
呢個價錢一般係用藥水，首先係粒墨o既周圍用針吉『隆』，令到o的藥水可以滲入皮膚。就咁用針吉，你都可以想像到有幾痛。做完之後，粒墨『那』到好似大左成倍咁，仲要等佢慢慢結焦，然後就會冇左。
3.有冇風險?
風險有幾大就要視乎你粒墨有幾大，粒墨細到一點o個隻，通常都冇疤痕留低，但係粒墨愈大，有疤痕o既機會就愈高，一般都係留低一個凹陷冇色o既疤痕。如果你粒係痣(即係凸起o個種)，比較難脫，因為痣係一個球體，即係凸出皮膚愈多，代表粒痣就愈深。仲有就係有機會一次未必可以完全脫清，可能要做第2次。
4.要整幾耐?
要幾耐時間先好返，一樣要睇你粒墨有幾大。我以前都試過用藥水脫墨，我粒墨o既直徑大約有3mm，要成個星期o的焦先甩，甩左之後有o的紅，不過過一段時間之後就變返膚色，但係就有個疤痕留左係度。

脫墨o既時候都幾痛，但係就唔係痛好耐。用藥水脫墨有一定o既風險，如果你粒墨係大o既，比較安全又唔痛可以去私家醫院用激光脫墨，留低疤痕o既機會會低o的，而且脫墨之前會用麻醉藥膏。