✔ 最佳答案
A.唔知你係想買咩鼠呢?常見既寵物鼠如下:
小灰霸大約 $6-20
小紫王大約 $6-40
小銀弧大約 $30-60
小露寶大約$10-30
熊仔鼠大約$50-150
B.買鼠時要買既物品:(大約價錢)
1)鼠籠(數十~數百都有)
要揀一d地板係冇一間間既,因為一間間既地板好易會卡住鼠鼠,我細個時就係因為咁而有隻鼠因為咁而死.鼠鼠好多都會咬籠,如果怕佢地成日咬,可以買一d較密封既籠.
2)水樽
多數籠都包埋,每次換水時必須用手試下係咪出到水.
3)沖涼粉($30~65)
有分普通同藥性,買藥性都ok,但記得唔好成日沖涼,一星期1-2次,唔可以用水沖涼.
4)磨牙石($10)
唔磨牙會死既,所以一定要有,普通既同鹽磚都ok,如果鼠鼠唔咬,就最好買d木制玩具俾鼠鼠咬,唔係隻隻鼠都會咬特定既野,因為佢地唔知樣物件係點用既.
5)轉輪(較大$30~55)
都係多數籠會包埋,但都要留意唔好係一間間會卡鼠腳既,唔係都會好危險.鼠鼠好需要活動,而大多喜歡轉輪,所以都係必需品.
倉鼠係夜晚活動,日頭訓覺,怕嘈既話可以用一d安靜既轉輪,又可以搽d牛油落去個軸度,當然咁整要成日洗下個轉啦. 咬籠嘈既你就訓練下佢,佢咬既時候鬧下佢(最緊要係個態度,佢唔明你講咩架),或者唔理佢,佢唔咬就俾少少野食佢食(主糧度俾一粒佢已經足夠)
6)鼠糧($20~30)
買一包咩都有d既混合主糧就可以,唔需要買零食,我個人經驗係愈少雜食,鼠鼠身體愈健康,可以去到年老都冇病.唔好俾鼠鼠食蔬果,因為易肚瀉,又可能有農藥等問題
7)食物盆($10~60)
最好就用一d咬唔爛既食物盆啦,買一d大既不秀鋼食物盆之類就幾好用,大到可以放得落成隻鼠,食物唔易飛出,而且鼠鼠好鍾意成隻坐晒入去咁食野既,雖然會貴d,但好耐用又安全,我既鼠用開既,都用左好多年了
8)木糠($5~30)
可以既話買d較貴既木糠,因為冇咁碎,碎既木糠易令鼠鼠有呼吸道問題,而有味既木糠就唔好買啦,加埋鼠既排泄物味,係會好臭既,都易令鼠鼠敏感.
9)屋仔(跟籠or自買,約$30~50)
有屋仔會令鼠鼠住得安心d,較有安全感,唔好買草屋之類易爛既屋仔,唔係會整親鼠鼠
10)額外物品(視情況而定,可以唔買)
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩.
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以我就覺得呢款玩具唔係幾適合鼠鼠玩既
C.一星期用沖涼粉沖一次涼,熱既時候最多兩次
D.鼠鼠點都會有味,因為鼠鼠用排泄物去表示地方係佢既地盆,仲會用身上既 腺孔發出氣味唻盆地盆or 發情,但唔好用有味木糠同沖涼粉,因好易令鼠鼠敏感,同埋我覺會仲臭
會唔會好臭就睇你點處理,其實只要每日都同鼠鼠打掃一下佢訓同埋排泄既地方,洗多d籠,定期同鼠鼠沖涼,都可以買鼠廁所俾鼠鼠用,咁就會冇咁臭
唔知係咪最近想買鼠呢?近來天氣較凍,新買鼠既話就最好等天氣暖返d先,因為鼠鼠初時會唔慣,未必識用鼠棉,咁就好易凍親
另外,除左養鼠要諗用幾多錢之外,最好就係先了解鼠鼠既野先,如果未留意既話,可參考以下我回答既知識:
http://hk.knowledge. yahoo.com/question/? qid=7007111303808
2008-02-06 10:29:02 補充：
唔可以1,2日就同鼠鼠沖涼,因為咁會令鼠鼠抵抗力下降,反而易甩毛,如果想了解多D點同鼠鼠沖涼,可參考以下我回答既知識;
http://hk.knowledge.yahoo.com/question/?qid=7007121103894
2008-02-06 12:23:58 補充：
其實好難話一共幾多錢,因為唔知你養咩鼠,唔知你喜歡既籠係咩,又唔知會買咩玩具,實在難以計算,你可以去金魚街睇下,鼠店較多同平,喜歡鼠鼠既話,睇鼠鼠既野應該都係幾開心既事,所以大約睇返以上既資料,諗好大概想買咩,再去睇下吧
