點解香港人普選想實行普選?（１０分）

我唔知是不是.................?

我相信香港遲早都有普選，但短期內一定冇可能，班民主黨下下都綑綁式投票，一定要一步到位，寸土不讓，政府根本好難有足夠既票去循序漸進咁推行普選。但中央既要求根本就係要循序漸進，老實講，要一個獨裁既政府相信香港有普選唔會混亂，唔會變成反中央基地，呢件係一件好難既事。一定要同上面有商有量先會成事。

作為一個市民，我真係睇唔到循序漸進既普選同一步到位既普選有乜分別，點解明知中央唔讓步都要堅持？咁同台灣成日話要公投獨立有乜分別？



其實我相當懷疑呢班搞罷工罷課罷市既所謂民主追求者，心入面係咪真係想香港有普選，明知呀爺一定唔讓步，佢地又小小都唔肯讓，到頭黎咪好似上次咁，搞完一大餐得個桔，班民主黨又多樣野話政府，根本搵黎搞。

放心啦，就算香港有普選，根本就冇可能選到呀爺唔like既人，你估真係話去選就可以去選咩，到時成為候選人既門檻一定好高，例如有幾多個人大提名咁，所謂反中國既人都一定冇份。

正因為選唔選都會係呀爺likely既人，或者上面唔太反感既人，所以我對所謂普選唔係太有熱情，遲同早，我都覺得冇分別。