唔知佢想點?有無人可以幫下我

兩年前曾經同過佢一齊,唔夠三個月同佢散左!(係呢段期間佢有左,不過最後雙方決定唔要,但係我地唔係呢件事分開)

之後個兩年,我都有諗過搵返佢,但係就無做到!當我開始忘記佢既時候,突然係兩個禮拜前既一晚,收到佢個MSN話約我出去傾下計,得知佢而家無拍拖.講講下佢話凍就捉住我隻手,之後仲攬埋同有濕吻!係個時我問佢可唔可以同我係返埋一齊?佢無答我,但係最後走個陣係拖住佢送佢返屋企

之後,我地都周不時搵大家,直至上星期既一日同佢出黎,佢同我講而家唔想同任何人係埋一齊,佢話上年發生左D唔開心既,而家仲未放低,佢唔肯講咩事!咁我唯有算啦!之後無搵幾日,突然星期日晚同我講想上我屋企訓,咁之後上左黎訓,仲搞埋野,搞完之後佢問我會唔會負責任,我答會!之後佢好開心咁挨住我身邊訓著左!

過左個晚之後,直至而家,佢無搵我,我打比佢都無聽!

我唔知而家佢想點?我應唔應該等佢?
原來我而家先發覺係咁多個女朋友當中,我最唔能夠忘記係佢!
我應該點做好?你地好心幫下我呀!而家我好辛苦!