電腦常說的傷機究竟是傷哪裡的!?

你的問題問得得好!!!
不知你是聽誰說電腦開得久用得久會傷機的呢?
是電腦專家嗎?還是一般的朋友?

電腦公司的專家指出,
To maximize the total number of successful operational hours for any computer device, all computer devices (hard disks, CPUs, monitors, other electronics) should be turned on and left on forever until they fail.
(http://oeyweb.com/timoey/articles/2000/onoff.htm)

所以理論上
在正確的使用下加上適當的環境(通風+乾爽+涼快)
長開對對比起開下又熄下
電腦零件 包括hdd,ram等只會有好處! 而不是會傷機!!!
試想想 人地公司的server,銀行的ATM機
不也是24小時操作的嗎? 會不會因此而常常壞呢?

然而 散熱風扇, 火牛等等 會易d壞 但那是無可避免的

可是 電腦零件長開會浪費電
為了環保起見 本人建議你不用時把電腦關掉 :)

2008-02-05 22:46:58 補充：
你玩的GAME是3D GAME或是ONLINE GAME嗎?如果你是因為玩遊戲而LAG機有很多可能性但最主要是跟display card及network有關!由於3D game 及 online game 往往要處理很多圖像會很依賴display card上的處理器所以 一張好的display card是很重要的

2008-02-05 22:48:16 補充：
另外 就我而言 我去你所指的http://bbs.xdxdxd.com 也很lag主要是因為我的broadband不好當然 亦不能排除server那邊的bandwidth不夠寬至於熱力 我覺得應沒什麼關係因為現在天氣較冷 所以也會令到電腦沒有那麼熱當然 亦要注意case的散熱情況例如風扇有沒問題清理塵埃方面 你可以打開case然後用吸塵機吸 吸不了的地方 可以用牙刷掃由於我不知道你用的是哪型號的display card以及使用哪家寬頻公司我建議你可先從你的broadband及display card著手去解決lag的問題

2008-02-06 19:16:49 補充：
對於折部機裡面D parts來掃塵方面 本人不太建議因為始終移動過D電腦零件我們都不是所謂的~高手~ 電腦還原出現問題時 就連用都用唔到了而不是LAG機咁簡單!吸塵器的使用在電腦公司或IT部門都有很廣泛的應用但在使用時就像樓下高手所說的不可直接對住IC電路板來吸那些地方是要用牙刷去慢慢掃的

其實lee個問題唔需要引用到電腦專家...
普通上到大學有讀過electronics(電子學)又或者有接觸過電子工業ge人都答到...

響電子學角度黎講...所有會用電ge野都係開機(通電)果下最傷，
原因係由0秒至0.0x秒內會出現maximum current...令到所有part都一定超過負荷...
咁就導致佢[壽命]減短。
所以其實24小時長開對所有parts(特別係火牛...因為佢係受影響最大)有好處。
對於有用液態電容ge電子硬件，如果有一段長時間冇工作過...而響停止工作前未曾將所有電容完全discharge...當再次開始工作ge時候(又係起動果下)，爆電容風險會大大增加。

另外，話BT會傷harddisk果個簡直就係傳緊謠言...
harddisk本身就係要黎傳送data...無論你有冇用BT都好...
就算係平時用都已經響度不停傳data...即係傳data果part同記憶data果part唔會出事...
而BT...極其量只可以話ACTUATOR(又或者話摩打)中郁得比平時多少少...
不過...若然你冇定期(1-2個月一次)做磁碟重組，個傷害一定比你BT嚴重，
若然你有定期做的話...BT定唔BT都唔會睇到明顯分別...
(磁碟重組目的就係要令你下次讀file果陣唔需要郁大多actuator)
咁即係harddisk無論你有冇BT都唔會傷，會傷的話我可以話一郁部機就會傷。
p.s. 開關機果陣個harddisk先係load得最勁...

另外，長期overload會係傷機(其實係直接傷牛，間接傷其他parts)其中一個原因，
假設你部機響full load果陣係用300W電，你亦會得閒就打機煲到部機full load，但係你就剩係比個出到290W(maximum power出到31xW)ge火牛黎用...
咁樣隻牛其實係full load(某程度上係overload緊...因為maximum power唔適合要黎長行)
火牛供電不足...當然火牛老化就會快左...同時供電不足就會令到電壓不穩，電壓不穩就會拖死其他parts(最明顯見到影響會係harddisk...因為佢對電壓改變冇保護)

至於熱量問題，基本上你做好機箱內對流(響一個通風環境下，機箱前下方用風扇抽冷空氣入機箱，響後面較上方用風扇吹風出機箱)，咁樣就已經係一個好好ge散熱方式。清塵方面...大約一至兩年做一次...拆開個機箱，用軟毛掃去將d塵掃走，特別係入風位同出風位...

2008-02-05 18:46:52 補充：
你個情況...我建議你做一做磁碟重組先...我真係建議每一至兩個月做一次lee個動作...另外...你唔係有兩個CPU...你粒CPU係E6600...係一粒雙核心CPU黎...

2008-02-06 06:02:51 補充：
做咩咁多人都建議人用...吸塵機...吸塵機係就係可以用...但唔好吸近底板範圍...原因係...用吸塵機係可以將d細零件連根拔起...吸錫泵咁細支用人手吸都已經可以做到lee個效果...想像下吸塵機效果係點?底板範圍請一定要用軟毛掃...用軟毛掃ge原因係唔會有表面傷痕...用硬毛有機會令表面電路受損...

2008-02-06 06:08:08 補充：
係la...唔記得提...散熱器你都可以拆出黎掃乾淨...但拆出黎果陣要用火酒將所有散熱膏清除，安上去果陣就要支番一粒米咁大粒ge散熱膏響CPU表面，用散熱器壓落去...(記住係一粒米咁大粒就夠...多左係有害無益...LEE個動作我建議每2至3年做一次...)

2008-02-07 18:16:58 補充：
但事實上，散熱器即使假設佢完全唔會積塵。都需要2-3年拆佢出黎搞一次，因為散熱膏通常果陣差唔多乾哂。乾左係會令到導熱效果變差，效果可以差好遠。(就好似散熱膏break down前同break down後都可以有幾度ge分別)拆同砌絕對唔係高手先識，大把新手都得，只差在d手尾執得好唔好。真正識用識set電腦果d先係高手。吸塵機，我係收到大單要做得好好睇睇果陣先會用黎清走埋d塵，冇必要就完全唔用。

其實所謂的傷機，祇是說電腦硬件的損耗。

電腦內的所有硬件，皆有電子零件所組成，CPU內的電晶體，底板上的電容，電阻，電感線圈，硬碟上的馬達，光碟機的光頭，火牛內的變壓器等等。任何電子零件皆有一定的壽命，日子久了，便會老化，嚴重者便會損壞。

其實正如樓上的朋友所講，電腦的設計，本來就是用於24小時不停的操作。但隨著科技的進步，電腦內的電子零件越來越多，所產生的熱力，正正是加速電子零件老化的凶手。

所以，要減低傷機的情況，首要解決的便是散熱問題。

另外，你所提到的硬碟機和你沒有提到的光碟機，兩者均需要馬達來操作，屬於機械性的操作，損壞的機會會較大。所以長期讀寫的硬碟機及光碟機會較易出問題。這就是為什麼人們常說BT的硬碟較易死亡的原因之一。

塵埃的積取會影響電腦的散熱效果。如果家中有吸塵機的話，可以嘗試用吸塵機吸走部分塵埃。如果沒有的話，可以到五金店購買一把油掃，把塵埃掃走。

至於你所說的看完卡通之後電腦就會Lag，估計是閣下的系統資源不足。最經常性出現的地方是系統的可用RAM不足，一般情況下，加RAM可以解決問題。

貴價的硬件其價值所在就是在於其用料較佳，耐用性較高。這就是為什麼功能一樣的電腦硬件，售價會如此不一，甚至上有很大的差距。(當然，部分是因為其牌子的價值。)

視乎情況而定，例如長期開著24 x 7，即一天24小時，一星期7日長開，主機內部既熱力散唔走，視為對電腦一大傷。會發出熱量的包括有火牛，ram，hdd，甚至底板，幾乎每一樣都會，而這些熱力亦會直接或間接損害本身或周邊設備。所以在保養電腦的課題上，散熱是最重要的。

又例如下載，也要長期開住，另外利用BT下載，每每幾十甚至幾百GB東西，這樣大量資料讀寫硬碟，長時間下來就加快到達硬碟的極限。

除了熱力，電子產品另一大敵就是塵埃，因為塵埃積聚，會把熱力也一同積存。

當然，每一樣產品都有其極限使用次數或時間，越貴的也基乎代表越耐用(皆因廠商在質料和耐用上都下過功夫)。適度的使用和保養也會令硬件耐用些，例如不要隨便超頻，定期幫硬碟進行重組工作等。