請問有冇人知道結婚第一年係咪可以用有個"囍"字既利是封黎派利是比人呢?

2008-02-05 5:34 pm

唔知有冇人聽過, d 人話結婚既第一年係可以用印左個"囍"字既利是封黎派利是比人, 咁 d 人一收到, 就知你今年係新婚, 到左第2年, 就要用番 d 普通既利是封派比人了!

回答 (5)

2008-02-05 5:41 pm

✔ 最佳答案

未聽過~
而且亦冇收過呢d咁既利是..
我諗現今社會. 冇咩人會太著重呢方面啦
我有d朋友新婚. 派既利是都係好一般, 冇話要雙喜既
有d仲派卡通添~
我個人覺得冇所謂丫..
只要係自己喜歡既款就可以喇~ ^^

👍 0 👎 0

2008-02-09 8:55 am

講真吖, 你派封利是比人, 人哋轉個頭就唔記得係邊個派架啦, 你估人哋重視你個利是封咩? 係咪?

👍 0 👎 0

2008-02-05 9:14 pm

人地同你講恭喜發財,你派利是,人地已經知道你結咗婚,無須再用"囍"字既利是封黎派利是比人,而且囍"字既利是封成一蚊一個,如果親戚朋友多,都要派幾百蚊,不如拿幾百蚊派利是,用普通利是封比較環保實際

參考: ME

👍 0 👎 0

2008-02-05 7:44 pm

無聽過喎,剩係聽人講過話第一年派利是要用印住夫姓嘅利是封同派雙封咋,不過亦有人話如果對方識你唔識你另一半就可以派單封,我諗呢d嘢都係個人喜好啫,用咩利是封同點樣派法都無乜所謂嘅!

參考: 自己

👍 0 👎 0

2008-02-05 6:28 pm

未聽過！我06年尾結婚, 07年第一年派利是都係用普通利是封, 無話特別講究用"喜喜"字利是封！再者, 通常派利是都係派俾親戚朋友同事, 結婚時佢地都有黎飲, 又點會唔知你結左婚！所以我覺得用咩利是封都無所謂, 自己鍾意就ok!

👍 0 👎 0