信用卡分期

呢個問題其實好簡單

假如你卡信用額: $10,000分期免息12個月供款 $3,000

即是你用左卡信用額: $10,000裡面既3000蚊即係你得返7000蚊既信用額

銀行會一次過扣起左你3000蚊既信用額你只會得返7000蚊信用額用

不過當你每還一期分期既時候佢會加返比你,即係咁

3000蚊除12個月即係每個月還250蚊,你還左第一期之後

你既信用額會變左7250蚊,因為你還左250蚊佢自己會加返落去

如此類推再還第二期之後就會變左7500蚊信用額直至你還完12期就變返

10000蚊信用額當然呢個係以你冇再簽其他分期或卡數計算

(希望解答到你問題同時希望不要隨便del問浪費了回答人既心血thx)

當然係計埋响張信用卡入邊,而且計算方法我認同上位嘅回應.不過我希望你有能力嘅話,最好一次過哂呢筆所謂"免息分期",因為當你冇能力嘅時候;銀行就以"有息計息"計算方法同你計數,而且你逾期付款畀返銀行仲要罰你"逾期款項".重有千祈唔好"以卡冚卡"嚟還卡數.
最後我希望你能夠自我節制唔好"先使未來錢"同埋唔好同"信用卡"打工,成為"吸錢食息信用卡"嘅奴隸;如果唔係就唔會有咁多財務公司同埋咁多銀行嘅財務貸款廣告出現.
事關我而家問咗某間財務公司借款還卡數,同埋重有1張已經look卡數而家每月還緊"最低還款額".唔知呢張卡數幾時至還完!!
希望我可以幫到你嘅問題,而唔期望你給我為"最佳答案".