[20點]救命!

鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,加上佢地身體都出現問題,好可能係已經打傷左,所以盡快分開佢地,以免有咩傷亡,加上佢地唔同品種,萬一繁殖左既話,好易會出現畸胎

紅色既地方留意返係外傷定係皮膚病or過敏,呢d都會紅左同甩毛,鼠鼠打交就算唔打到有外傷,都有機會因感到壓力or受驚,從而誘發甩毛,肚瀉等疾病

A.外傷
打交受傷既處理方法如下:
1)有流血既話,用藥用棉花咁住傷口,用外傷既藥同佢搽,小心唔好整到眼耳口鼻.
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
4)保持個籠乾爽清潔,避免細菌感染
5)如果有內服既"外傷素"就可以俾鼠鼠飲住先,但嚴重其實都係要盡快睇醫生先係最好既方法
6)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
7)睇醫生既話可以考慮一下以下既醫生,要明白有d嚴重既問題,的確係要獸醫先幫到鼠鼠
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/

平d可以睇愛護動物協會,但嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

B.皮膚病or過敏
唔知甩毛既地方有幾大呢?皮膚紅都有機會係過敏,但過敏多數就紅既地方較多

有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,會唔會有寄生物,有時有既話未必咁易睇到,呢d寄生物都會令鼠鼠甩毛既
3)有皮膚病就要保持個籠乾爽清潔
4)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
5)有俾鼠鼠飲既皮膚病內服藥水,叫"美毛素",如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,大約$55-70,買既時候記得睇下有效日期.
6)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
7)唔好用有色or有味既木糠,因為呢d都好易令鼠鼠皮膚敏感,敏感嚴重起唻係會致命既

C.打交問題
鼠鼠係獨居動物,一齊住好易會打交,年幼時好多時都未咁快會打(不過都有D未戒奶都打),所以最好獨立飼養,我一籠一鼠之後,鼠鼠明顯地長壽及健康,以前試過不少坊間話可以一籠多鼠既方法,實在冇一樣可行,詳細建議一籠一鼠既原因可參考以下我回答既知識:(字數有限,煩請移步)
http://hk.knowledge.yahoo.com/question/?qid=7008020301501

D.混種繁殖
兩隻唔同品種唔同性別既鼠一齊住,如果繁殖左出唻DNA好易會有問題而生出畸胎,詳細有咩問題可參考以下我回答既知識:
http://hk.knowledge.yahoo.com/question/?qid=7008010803015

2008-02-05 16:29:23 補充：
輕微既外傷同皮膚病的確係有機會會自己好,但始終冇好詳細了解到隻鼠鼠既病情,而且病向淺中醫,等到嚴重既時候再處理就會太遲了,正如有d人感冒唔理就會好返,但有d就會死亡一樣道理外傷惡化會令鼠鼠失血or肉爛,鼠鼠好易會抓傷口,令傷口有細菌感染既機會,而皮膚病看似唔嚴重既疾病,唔理唔理就可能會變皮膚腫瘤所以我覺得最好就密切留意返鼠鼠既情況,盡早處理,睇獸醫係貴,只睇金錢方面,更應該在未嚴重時處理好or睇醫生,唔太嚴重既時候睇醫生or買藥,可能好快就冇事呢,而且鼠鼠都有生命,唔可以見到佢有事都唔理既

2008-02-05 16:41:40 補充：
而外傷我會紅左係因為抓到甩毛,之後再抓到皮膚發紅,但又未去到流血既情況剛剛睇到另一條問題既兩隻鼠打死左,真係感到好唔開心,其實打交可大可小,加上情況未必隻隻一樣,所以希望發問者唔好掉以輕心,我指既問題係呢條,都係唔同品種既鼠:http://hk.knowledge.yahoo.com/question/?qid=7008020402836

如果鼠鼠發出吱吱聲,時間好短,我諗係打交喇!

打交(有經驗):
a.鼠鼠有時打交既叫聲係打到出唔到聲;
b.鼠鼠有時打交既叫聲係好似星星咁(有時叫,有時唔叫,吱...吱...吱...)
c.鼠鼠有時打交既叫聲係叫個不停

而你隻鼠鼠既答案係:燈燈燈燉......就係b喇!所以你隻鼠鼠就應該係打交喇!

如果係打交既,通常都唔會紅左一達,只會流血,我d鼠鼠都未試過紅左一達,所以佢地應該過左一段時間就會冇左架喇!

而冇左一忽毛既話,佢應該係有皮膚病,我以前隻鼠鼠(牛奶妹)一生左出黎就有皮膚病,都係冇左一忽毛,不過我唔理佢,過左一排就冇事囉!係唔洗睇獸醫既!獸醫好貴架!唔好浪費d冇謂錢呀!

因為佢地兩隻hamster都大個左
會有自己性格，又或者一齊搶食物既機會大左

同埋 始終佢地都係唔同品種呀 唔好放埋一齊啦

你而家要做既 就係分開佢地係兩個籠，

又或者係個籠度一分為二，唔好比佢地同對方玩

果d冇左一忽毛..紅左一達 都係打交既戰績

所以你真係分開左佢地先，將來最好都分開呀

對佢地係有好處呀