好唔開心 點解會咁嫁

你相信玄學, 就知人係有好運亦有唔好運既時候, 如果自剎會被打洛地獄/每日不停咁重覆自剎時既痛苦.你有冇犯太歲呀? 近來可能犯小人? 去太歲廟度by下太歲, 去黃大仙廟求支簽問下你下一步點做啦!
人會由成長中的好與壞從中學到野先係有價值...請恕我直言:
==>同呀媽既關係差到好恐怖
點都係自己個女, 邊有阿媽唔啺自己仔女架, 你地攪到咁有冇唸過係咩問題???
==>讀書辛苦，冇ｆｄ，冇錢，冇男朋友
1) 冇ｆｄ可能你本身做人有問題, 先至冇人同你做朋友, 人緣差極都會有朋友.
2) 冇錢, 既然屋企唔係冇錢, 點解你父母以前俾錢你依家唔俾?
3) 冇男朋友, 我明, 青春時期冇拖拍會死咁, 但由細到大都冇女仔中意我添, 都係咁生活, 跟住冇拉拉又有拖拍. 緣份到自然有, 冇你強求都係冇, 你中五啦, 呢點小事應該色唸.
4) 讀書辛苦, 我都覺考試令學生好大壓力, 香港教育制度又唔完善, 但邊個人冇壓力? 人愈大壓力愈大愈多.
可能你由小到大咩都有, 係同學面前又突出, 父母又愛你, 你又係溫室中長大, 可以話冇咩壓力又開心的情況下成長. 當你而家有些壓力, 唔開心既事就要生要死, 何苦!!!

你俾D耐性睇下我既經曆先, 我都有同第二個綱友講過, 你睇下邊個不幸D:
我細細個父母離左婚, 我同阿哥跟阿爸, 從小就係長洲間輔頭同D幾個姑姐/阿麻一齊, 不過成班好貪錢, 驚我同阿哥分薄阿爺D家產, D姑姐/阿麻成日對我地好衰, 又打我又用豉油林我, 又話我地唔係姓X, 個阿媽同第二個生, 唔係都唔會離婚, 我地係賊仔, 報警拉左我地, 趕走我地呀, 虧本貨呀,我係你姑姐你要尊重我,唔叫我姑姐話俾你阿爸媽知你冇家教...多到講唔晒. 阿爸又唔理我地點慘, 自已又有第二個女人, 成日返到屋企淨係打我地, 我阿哥又發洩洛我到,我又唔夠佢打...
因為我輔頭得罪好多街坊(多到唔色講), 所以中小學既同學又排斥我, 童年時可以話冇咩朋友/同學...
當年我仲成日唔開心而哭(小學四年班之后就冇), 到我阿哥走左得番我一個真係生不如死. 雖然當年成日想死左去算, 但依然一條友面對.到中三時終於有同學知道我唔係我果D親戚咁既人,開始同我玩,同我講對唔住以前同其他同學排斥我因為我D親戚同佢家人...
當我去英國讀埋大學, 出左黎社會做野係香港自己住(過年先返長洲), 我就知道我挨過黑暗時代, 開心人生終於開始...
我十幾年既黑暗時代都挨得過, 你覺得你果D係慘唔慘得過我? 你一時既不幸可以挨得過嗎? 你想找人傾唔開心既事, 可以電郵俾我!!!

妳好！
其實妳o既問題應該唔需要玄學上o既解決方法，因為玄學上都係幫妳加D風水學上o既 o野，而妳o既問題（忠言係好難聽，盼請見諒），其實係由細到大妳都係處於一個要風得風，要雨得雨o既環境裡，所以妳o既觀點都係由妳出發，而從妳o既問題已經知道妳想用一D不費吹灰之力就可以解決問題o既方法，講真妳要改變現況好簡單，妳由今日起，做每一件事都係由心出發去幫人，而抱受一個唔問回報o既心態去做呢，我相信一切都會改變，不過開始一定好難，不如由妳媽媽開始做起，開始慢慢關心妳媽媽，因為妳細細個開始妳媽媽都對妳好好，而妳媽媽宜家咁o既表現，應該遇到一D大問題啦，所以妳好好咁同媽媽溝通，大家一齊去面對（媽媽養到妳咁大，係時候去關心媽媽啦，妳都有自己o既諗法嘛，係唔係？），可能幫唔到，不過妳唔開心都想搵人講o下啦，講o左出o黎人都開朗D，諗o野都清晰D，咁解決方法都多o左啦！
希望妳唔好見怪，因為我唔係妳邊個，不過妳o既問題我都遇過，我開頭都唔信，之後越 o黎越差，終於都係改變一o下自己，真係好多o野都變晒好！
P.S.希望妳同媽媽o既關係好返啦，敬祝妳有一個萬事如意o既鼠年啦！

呢度係心理學版面, 你想問玄學上的解決方法? 睇來你真係煩到亂晒籠.
如果你相信相學, 可以話你知一個人行唔行運個心比外表重要, 所謂相由心生, 你個人成日發脾氣, 個樣都會變得乞人憎, 而一個人開朗成日笑, 人緣一定會好, 無端端都會有人幫你, 自然行運. 如果唔能夠一下子改變個心, 先從外表做起都得, 扮靚d, 人心情都會好d, 但始終都要改變埋個心態先得, 扮得幾靚, 扁咀扁臉一樣唔好睇.
基本上, 你同阿媽關係唔好, 心情當然唔會好. 父母與仔女關係唔好, 係命理學上來講叫與父母無緣, 蘇民峰師父教過, 如果咁的情況, 父母要送仔女出國讀書, 離得越遠越好, 咁樣大家關係反而好, 不過我唔知點叫你阿媽送你出國, 或者你自己想辦法搬出去, 揾份可以係出便住的工, 總之少d返屋企, 可能都係個方法.