我想問香港男仔幾歲在香港搵不到女仔返中國識女仔和結婚

結婚呢個問題無話要等到幾多嵗嘅,總之你的經濟能力最少可以負擔一個家庭基本開支,你想結婚,又搵到女仔肯嫁你,咁就ok啦!
應否上大陸或者其他落後地區搵對象就見仁見智啦,大家生活環境同生活方式都唔同求其見一兩次就結婚的話,將來是否幸福美滿都靠撞彩咋!
如果你在大陸工作認識的,相處一段時期大家了解先結婚就好d,起碼大家有d感情,雙方不是朦查查,唔會到結婚後大家看清楚便後悔!
其實大陸女仔肯嫁香港人的都希望生活改善,希望嫁香港人生活好d,唔係點解要山長水遠嫁個三唔識七的香港人呢? 如果你連呢個佢地最基本的要求都唔可以滿足的話,咁你就見到好多中港婚姻的家庭悲劇都是因為經濟問題而產生了!
香港d女仔比較叻,自己搵食唔靠老公都得,搵對象當然希望搵個叻過自己的啦,如果仲差過自己寧願唔嫁咯,所以香港女仔其實比男仔仲慘,叻的男仔大把女仔爭住認頭,唔叻d男仔可以去落後地區搵女仔,男仔買少見少,女仔青春好快過,所以香港仲有好多30以上女仔未嫁嘅!
如果你都係30左右,唔使咁緊張喎,俾的心機做好自己的工作職業前途,如果唔係差到兩餐唔掂的話,男仔30-40左右先係黃金嵗月,到時大把女仔任你選擇呢!

婚姻關係在人類歷史上已經完全失敗，現代人只能做愛，不能結婚，以免他日怨偶相互仇殺！