✔ 最佳答案
本人係跆拳道黑帶
本身自己都有自學其他武術, 包括你所講既自由博擊, 同散打
選擇先學跆拳道係明智既做法
原因跆拳道係有規律, 講求力學, 陰陽相反既武術
我並唔係話其他武術唔講力學, 陰陽相反等
但我學過跆拳, 明白當然對自己既幫助有幾大
所以我向樓主推介
跆拳道會主學踢腳法, 操拳
有d道場會教埋自衛術(學察學堂教果d)
至於邊間道場會教, 就睇你好唔好運遇到個一流既阿sir 喇...
跆拳道通常3個月考一次升帶試
大約兩年幾就會考到上紅黑帶
考黑帶時要自修半年
係哩半年你可以考慮下自學其他武術
當解悶^.^
其實自由博擊學黎都晒氣
應該話唔知有冇得學先岩!
因為自由博擊係指比賽者可運用各界武術進行比賽
所以你學左跆拳道的話, 基本上都唔洗話特別去學自由博擊
至於散打, 如果你真係好想學
我只能夠話你知, 你學完跆拳之後, 練多d 出拳, 或者摔跤
你就基本上學左散打
因為學左跆拳道就等如有個武術根底, 如多武術都好易上手!
有咩問題, 歡迎再問我^.^
學武之人, 最鍾意互相交流!