懷孕流程.....急!!!

自己驗,如果結果係有左,要再到私家醫生再驗一次,因為你同個醫生講你有左佢都唔會寫驗孕証明信比你,冇 lee 張野你去唔到健康院//醫院
本港合資格居民:
1:去私家醫生再驗一次,佢証明左係有bb就會寫信比你((不過有d醫生知你係第一次有bb會叫你去照左超聲波先,話睇下bb係唔係子宮入面生長,,怕宮外孕,不過怕既可以照既,,我第一次都唔知.....都有去照)

2:上網//打電話到就近既健康院查詢收新証時間

3:去健康院要準備資料 : 自己同埋先生的身份証 (如果先生沒時間陪同,可用副本),住址証明(3個月內為有效期), 驗孕証明信.....仲要帶定筆,因為第一次去要寫資料

4:想係公院生 bb,,健康院個度會同你排埋床位,佢地會幫你搞(只限到指定公立醫院,eg:假如住大埔,佢地就會排返新界東區有產婦科既醫院,,,那就是威爾斯)

5:如果已經去左健康院,佢地會幫你排期去公院做檢查 , 包括了驗血 , 數次的超聲波檢查,(((如果係公院照之前有去過私家醫生度照都可以帶埋份報告去公院比醫生睇)))
(公院照超聲波大約3~4 次, 其中一次為 bb 第 5 個月的結構性超聲波檢查,想知道bb 性別,就要係這次詢問,因到 bb 大個d 既時候,可能因為位置問題而睇唔清楚‧我就因為係第 5 個月 miss 左,再照已經比o的手腳遮住左,睇唔到,要出左世先知)

6:必定要驗同照的公院//健康院都已經幫你排晒 , 自己個人決定的,可以是其後的超聲波檢查, 因為公院同你照3幾次, 之後可能一直到你生為止,因為去健康院佢地都係幫你驗小便,摸肚,聽 bb 心跳,,,係唔會有得照超聲波(我就係公院照左4次,bb3個月照左一次,5個月照左2次,同埋bb第36週照埋最後一次,個次係照胎位)如果你怕中途唔照時出現問題,可自己搵私家醫生 keep 住照,,不過都係一個月一次就 ok , 有d包埋套餐,第一次 $xxx , 之後再照就收你 $ xxx , 當然係比第一次平d啦.......

7: 檢血,,其實就要埋先生驗最好,(公院幫你驗血只限孕婦一人)因為可以知道自己同先生有冇隱性病,等等,,,lee個係私家醫生都有得做,,不過都係買個安心返黎,,我先生就冇去驗血.....

8:如果你本人唔係年齡太大(3x歲),都唔洗特別去驗羊水,因為都係年齡太大同埋太大年紀第一次生育先有機會有唐示綜合証的 bb .......你怕,,都可以去驗,,不過係有風險(到時健康院既姑娘會講解)

基本野都可以叫做晒,我就只係跟住佢幫我排既期去公院...健康院做檢查
有時間可以買定bb要用既野,,自己入院要用既野(當你第 36週,健康院既姑娘會教o家啦..or 自己上網找資料都得)

如果有返工就要 copy 份驗孕証明書比你老細,佢唔炒得你之餘,你如因懷孕或分娩而引致疾病或不能工作，最多可額外休假4星期 !!!我有左bb頭個個月嘔到返唔到工,我都有請左差唔多成個月無薪假期,,不過係私人比既假,因為我冇醫生証明書証明我返唔到工,如果因產前檢驗、產後治療或流產而缺勤的每一天，如有醫生證明書，可作病假計算o家!!!!

你可以先去普通私家醫生度肯定自己係懷孕幾耐先, 以後再去健康院登記. 健康院呢就無驗得咁細心, 不過都會同你抽血, 照超聲波既, 3個月果陣會幫你量bb既頸皮睇下佢有無唐氏綜合証. 當你去咗健康院, d姑娘就會講晒全部流程比你知架喇

先去私家醫生度再驗, 醫生會寫紙證明.
如果係香港居民:
1.如果有返工, 要向公司提交醫生證明, 將來放產假安排, 公司亦唔可以搵口炒你.
2.如果身體冇特別病痛, 去健康院證記, 檢查或照會有安排
3.如果有長期病患, 要去醫院證記 ,檢查或照會有安排
4.如果年過35, 醫院或健康院有得免費檢查唐氏綜合証...

如果唔係香港居民:
我諗你要去私家醫院登記啦, 因為同政府醫院一樣咁貴架

首先驗孕棒是不可以推算有了多小星期的.
妳可以立即去私家診所睇一次醫生確認, 醫
生會再寫一張醫生紙給妳帶往公立醫院登記.