我屋企剛剛裝修完冇耐, 裝修前, 已向提供裝修服務的負責人講好o左要點裝修, 講明o的電線要藏喉, 之後先再鋪石屎水泥果o的, 我o地屋企冇個得閒, 星期一至五唔係返工就返學, 根本冇時間睇住佢o地裝修, 個半月之後, 我o地入夥, 入夥前, 大概睇過o的裝修, 冇詳細check過, 因為我o地都趕住入夥, 佢o地比o左個維修執漏o既時間我o地, 如果有咩問題, 佢o地話會幫我o地執, 咁我o地依家就發現o左個好大問題, 就係電線冇放響條喉入面, 就咁就鋪石屎上去, 之前上o黎裝寬頻果個話, 如果電線冇藏喉, o的電線會好易"拿"爛, 五年就玩完, 到時就上網越來越慢, 亦好難幫我o地整番好, 咁我想問, 電線唔藏在條喉入面, 就咁用石屎鋪上去, o的線係咪會好易爛?
更新1:
之後佢上o黎屋企收埋條尾數, 我o地問佢點解o的線唔藏喉, 佢話佢自己間屋都係咁, 又話同人o地裝修咁耐都係咁, 佢話已經幫我o地鑲足兩條線, 就算爛o左, 都仲有一條, 咁我o地就反駁佢話兩條一齊響入面, 有咩理由淨係爛一條? 佢就話佢擔保五十年都唔會爛,
呢個裝修負責人姓溫, 人o地叫佢"阿溫", 住富x花園 (馬鞍山).
