我而家間公司，認識左一個朋友，同佢真係好close，可以講秘密，不過佢本身都有數個知己，可能我係佢其中一個啦，不過...我發覺佢有親d咩事都係叫我陪，都唔可以say no，係d好浪費時間o既無聊事，其實佢自己都有好朋友，點解要叫我，我心裡好唔鍾意去，不過都去左...
問心，我個樣都幾好蝦，又傻傻地，唔靚女，但算平易近人架啦!! 點解會咁命苦，點樣至可以擴闊圈子，想有一個真真正正的好朋友。
更新1:
補充小小︰ 1. 其實佢知我覺得個d係無聊事，因為佢由細到大都唔會自己一個人，所以一定要有人陪 2. 有時下午叫我放工陪佢過海買野，有時間我當然會，試過我唔ok，發睥氣呀! 3. 係公司佢有兩個好友，一個我，仲有另一個，每逢出街，我永遠都係一個人行，佢兩個標前左，剛剛我同佢同佢另一個朋友去旅行，玩機動遊戲，我永遠都係一個人坐 4. 不是大學喔，是大專，即ive 5. 佢曾經同我講過，就係因為我無朋友至好，因為得佢一個...令我覺得有點兒那個 6. 我以前有幾個好朋友，試過比人出賣，另一個因為做傳銷，每次搵我都係為左錢，不得不離開佢，到今時今日我都好唔開心，點解我唔可以怨天尤人呀?
