希臘, 威尼斯, 荷蘭, 瑞士, 羅馬, 巴黎, 米蘭., 西班牙自由行

如果要係歐洲轉機，可以好多選擇，例如英航、德國漢莎、荷航、法航、俄羅斯航空等等，由歐洲去希臘由2至6個鐘不等，視乎轉機城市。
就以上你想去既地方，意大利、法國、西班牙、荷蘭可以用火車接駁，而希臘用飛機接駁，因為希臘既鐵路唔係咁好。我諗有以下路線比較順：
第一站停荷蘭(坐荷航)，坐火車去瑞士、法國、西班牙、意大利、由意大利坐飛機去希臘，走時由雅典飛去荷蘭轉機返香港。
我建議你哋可以去書局睇吓旅遊書，揀吓乜野景點想去，因為18日要去晒荷蘭、瑞士、法國、西班牙、意大利同希臘，真係走馬看花，飛機來回要減2日，上面你講咗8個地方，即係每個地方有2日，減埋交通時間，最後只係變咗只係坐飛機同坐火車，保守估計，去晒上面8個地點要35至40日。
P.S. 我上次去希臘到去咗11日，都覺得唔夠時間。