我想打死我隻倉鼠!!!佢咬我流血

唔可以話隻鼠咬你你就唔想要佢OR打死佢既,佢咬你雖然痛同流血,但只要貼膠布同好好處理傷口,好快就會冇事,但你唔要佢,佢就會死了,養寵物要照顧佢生老病死,唔好輕言放棄呢

A.睇返你既情況,鼠鼠應該係受驚先有咬人呢個行為
凍既時候放鼠鼠入去十分正確,但環境改變係要時間去習慣,一星期後你再將佢放落地,佢又再次唔慣,咬籠多數因為牙痕or感到壓力
其實放鼠落地我覺得唔係咁好,地下始終覺得唔夠衛生,加上鼠鼠好易受驚,有時唔知咩事鼠鼠都會忽然好驚,如果放左鼠鼠落地,佢忽然走左去就慘,有時圍住都會俾鼠鼠搵到位走
萬一地下有咩昆蟲,鼠鼠捉唻食or爬上鼠鼠身,又未必夠快手捉得住佢or未必睇到,屋企地下都可能危機四伏,有時未必真係可以好細心了解晒所以位置對鼠鼠會唔會做成傷害
而且習慣在地下活動既話,走佬又會變得一d都唔驚,愈走愈大膽,愈走愈遠,就算佢想返唻,都可能會迷路,走左出街就仲大件事
所以俾我揀我寧願鼠鼠唔會慣左地面,同時加以訓練令鼠鼠知道鼠籠係最好地方,咁就安心d
放鼠鼠出唻我習慣係咁既,可以參考一下:
我會將四方桌既一邊貼牆,自己就面對牆,另外兩邊就用盒整高,等鼠鼠走唔到出去,咁樣圍住,籠貼牆邊,籠既門對住我,之後先放鼠鼠出唻
多數我俾d野食鼠鼠,鼠鼠就會拎住,行返入籠放好
咁既方法一來唔易俾鼠鼠走左去,二來可以令鼠鼠習慣有野食就帶返入籠,咁萬一鼠鼠走左去,都有機會執到野食之後返返入去了

B.因此,建議你俾鼠鼠靜下先,唔好掂佢住,大約兩日左右再慢慢同鼠鼠重新建立關係,可以試下以下方法:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

鼠鼠咬人仲有其他可能性,了解一下鼠鼠點解咬人,就可以避免俾鼠鼠咬了

1.鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間吧
既然佢驚你你就唔好太強迫佢俾你摸or抱之類住.去沖涼都困難既話,就用物品幫手,好似用食物盆運佢去or用野食引佢去沖,不過小心d唔好趺親鼠鼠呀

2.鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.

3.有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人

4.太餓,唔夠野食就會亂咁咬,搵野食,可以一次放多D食物落去,等鼠鼠有較多既安全感,但留意食物唔會變壞先可以

5.你手有食物既氣味,鼠鼠有機會會誤以為係食物而咬落去

6.牙痕
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦
專整俾鼠鼠咬既磨牙石or木係針對鼠鼠磨牙問題而設,所以我覺得係比較好既.都可以買鹽璣OR較硬既食物棒(一支木,外面有食物包住)俾鼠鼠咬

7.懷孕既鼠都會特別精神緊張,從而成日咬人

2008-02-03 16:50:21 補充：
如果想鼠鼠唔咬籠,就可以參考以下我回答既知識:http://hk.knowledge.yahoo.com/question/?qid=7008012801341

2008-02-05 02:23:50 補充：
有野食同玩其實都有機會有咬人既情況,正如A點所講既咁,既然佢而家情緒唔定,試下用一D唔掂佢既方法同佢檢查身體,檢查外就唔好掂佢住了,俾D時間佢冷靜下先啦可用一個類似龜缸既野放在籠既門口,放D食物入去,引鼠鼠自己行過去,蓋好缸之後,慢慢移到你睇到缸底既位置,睇下鼠鼠有冇咩事,之後可以檢查籠入面既排泄物有冇過多or少,有冇異常,檢查完開缸俾鼠鼠行返入去

2008-02-05 02:24:01 補充：
既然你會再試接觸佢,相信都係有心理佢吧?唔好為左佢咬你既行為去嬲佢了,佢咬你又咁激動咁,相信佢都唔好受,你同佢相處了年半,時間都唔少,佢亦開始年老,有時年老體弱,惡唻自我保護都唔出奇,你同鼠鼠努力再一齊去過呢段唔易處理既日子吧,唔好輕言放棄,俾心機

2008-02-06 01:58:50 補充：
首先感謝發問者選我做最佳

見到評價話隻鼠牙好長,雖然本身鼠鼠既牙都長,但擔心係牙係過長,年老既鼠好易有呢個問題,要留意既事可參考以下我回答既知識,當中第3點有提及牙過長既問題,都可以留意返其他年老鼠再留意既事:
http://hk.knowledge.yahoo.com/question/?qid=7007090905156

另外,真係開心發問會為鼠鼠努力,有咩問題歡迎發問,我識既一定會盡快回答

佢前幾日凍死左la

如果因為佢咬你就要打死佢~
咁不如你俾人養仲好~你唔適合養小動物~
唔係佢乖就可以當玩具玩~
佢曳咬到你~你就要殺左佢~打死佢~
佢地係寵物~唔係玩具~你都識講~
佢以前好乖~唔會咬人~問心~點解佢依家變成咁!?
係咪自己無再理佢~無再成日陪佢玩~
無再成日俾野佢食~俾水佢飲~什至就凍死呢!?
你問心~點解由佢咁乖~變到依家會咬你!?
好多時~都係主人所做既一切~令到佢地改變~
就算係你...你家人突然變左對你~你問心~
你性格上~對你家人既態度~都唔會改變嗎!?

你想殺生,記住依加臨近新年,小心牠唔放過你!
你養得牠起,就要懂得寬恕,小小苦楚等於教訓!
because如果你無養牠,就唔會有今日的後果!
so責任係跟一世,千期咪放棄!《小小的生命》!

this is because of
unhealthy diet habit


http://ww w. fitlife.h k8.us
(Ref:hair)

唔好唔要牠，雖然牠係咬你，可能牠聞到你have 食物味!!所以忍不住咬你，希望你唔好唔要牠，你要多d 陪牠玩^^可能牠唔會咬你嫁喇~~~

答案:你隻野發春呀= =

解決問題:買番隻女既番去比佢xxxx.- -

佢應該係到左發情期, 我隻貓之前都係咁