點解朝早劏左嘅魚過左1:00pm會變質/過時?

主要原因都係因為恐怕細菌滋生．

因為，劏魚嘅時候，唔多唔少都會有細菌污染到D魚肉（劏魚人手上有細菌，魚刀又有，魚本身腸臟都會有細菌），而細菌響常溫之下（即係平時嘅室外溫度，呢幾日咁涷，室外好似雪櫃咁就唔同），大約每半個鐘頭繁殖一代，即係會一開二，再過半個鐘就二開四．．．

細菌繁殖，一方面會破壞魚肉本身嘅成份，因為細菌生長同繁殖需要利用魚肉嘅蛋白質，醣類等等，同時會釋出毒素同埋酸性物質．

咁如果朝早七點鐘劏魚，去到一點鐘，就過咗六個鐘，一隻細菌就會繁殖到四千隻以上，而且，劏魚嘅時候，污染嘅細菌唔止一隻，而係可以數以百萬計，甚至億計，咁經過咁多個鐘，你計下有幾多細菌（當然期間細菌會老死，但係佢破壞魚肉同埋釋出毒素同酸性係唔會消失嘅）．

所以，鮮肉鮮魚煮之前，要存放響雪櫃（唔理你係唔係放到一點鐘，抑或放到十二點半），以減慢細菌嘅生長同繁殖速度．

have 2 reasons ge:
1.中午太熱...所以會變質...
2.而且時間太長...
當然時間5同...
1:00pm只係一個比喻je~!

2008-02-03 12:34:31 補充：
1:00pm只係一個比喻/大概的時間!!