✔ 最佳答案
如果臨時合約已簽, 但係想問下閣下有無簽到地產代理協議? 即係俗稱睇樓紙... 其實合約內寫收幾多佣並唔係保障地產代理的佣金收益, 而係用來披露比三方面知道地產代理的收益, 而真正保障地產代理的佣金, 係反而靠張睇樓紙...
如果你無簽睇樓紙, 其實地產真係無任何辦法要你比佣的.. 但係假設你有簽睇樓紙, 而睇樓紙內的佣金收益為 1%, 就建議唔好再同地產講比小 d, 反而愈期要補息同 14 日後比佣呢個係有點兒... 14 日比佣都仲久唔久會有, 但係愈期要補息就真係不知所謂, 其實某程度上你可以向地產代理監管局投訴, 並唔係所有白字黑字都必定有法律效力..
如果臨時買賣合約同睇樓紙都係寫1%, 就算地產寫左減佣紙比你, 由於披露比對方的係 1%, 所以在各方面, 其實地產都 entitle 去收足你佣金... 寧願你比足佢, 但係同佢傾遲 d 比, 咁樣佢地跟手尾都會跟得好 d...
2008-02-04 17:59:59 補充:
嘩.... 原來係祥益.... 如果係咁我就強烈建議唔好同佢地講佣, 因為佢地老闆汪生其實係地產代理監管局常務委圓, 佢好明白自己的位置... 如果要傾佣就在簽之前傾, 簽完之後真係無情講, 仲有, 就算簽之前佢地都唔係好願意減佣, 佢地試過因為減佣而唔做一單 deal... 不過努實講, 既然個 agent 幫倒你買你心目中的單位, 而你又唔係有咩唔滿意佢, 其實點解要減人佣呢, 記住香港買樓呢個係 standard 佣金, 唔係話無人減, 不過全香港大部份人都比緊 1% 佣, 唔好覺得自己比 1% 佣好似比多左人咁, 小弟剛賣那層爵悅庭比左 3% 佣 tim 呀
2008-02-05 12:59:57 補充:
同埋三角形符號代表不適用