會考17分, 可入港大, 科大ma?

入得科大商科及港大既, 好多人會考都有廿幾分以上, 所以得17分算幾吃虧.
兩間大學你所指的學系會計好重高考成績, 所以單憑你會考成績好難講你入學機會如何. 會考考得好不一定代表AL考得好. 每年也有一些考生會考只有15分以下, 但高考實在考得不錯, 相反亦有.
科大會計系收生不錯. Lower quatile是DC ABC, 會考CC 5A1B. 科大會考計40%, 所以會考考得唔好會幾吃虧. 17分又損失一個面試爭取加分的機會, 所以保守估計可能要2A1B/3A, 兩科語文C先有機會. 港大會計及金融UE平均是2.98, 中化平均是3.19, 2AL+1AS平均是3.97, 會考6科平均是3.85. 同樣地, 因為你會考成績比平均低, 所以AL亦要加倍努力. 如果語文考獲C或以上, 3科AL最少考獲B, 應該會有一點機會.
科大沒有社工及營養學系. 港大社工方面, 各項平均比會計及金融低. 如果兩科語文C , 3AL BBC/BCC, 應該會有機會. 另外要留意社工系會否計很重面試機會, 已知理大社工會計幾重面試. 港大食物及營養科學與理學士其他課程統一招生, 變相就是拉高收生成績. 收生成績介乎會計及金融及社工之間.
有讀phy, chem, bio可以入而較易入學系有: phy, chem, bio, biochem, engineering, computer science. 有些會收高考沒有考獲C的學生. 但請留意, 入大學讀一科無興趣讀既科目, 會讀得好唔開心同辛苦. 有些甚至退學再申請大學, 浪費一年時間. 就算轉系都要睇你公開試及大學成績. 有關學系的收生成績可以到http://www.jupas.edu.hk/查看.
AL成績變幻莫測, 有些人開頭並不想入嶺南大學, 但AL放榜後才後悔莫及. 有些人滿以為自己可以考到好好成績, 但事實並非如此. 現時非三大的大學學位並非如好多年前般就算UE D都可以入城大法律. 所以大學選科真係要有兩手準備, 一組放收生成績較佳學科, 另一組是收生成績較低.
其實課外活動對入大學幫助不大, 除非參加國際性活動(例如: 奧運、奧數), 或者勁到有校長推薦. 大學收生以成績及面試表現為先. 如果成績唔好既, 倒不如花時間讀高考好過.

注意, 入Engineering 要搭p. maths, 所以你唔入得ga

2008-08-20 23:36:09 補充：
注意, 入Comp. Sci. 要搭 maths, 所以你唔入得ga

有可能的。

入大學要看面試表現, 高分不等於一定收你做大學生