如果有人用 Notebook 電腦+wifi 公共無線上網發佈明星裸照

香港警方選擇性捉人，肯定是但搵個窮人個替死鬼啦，
他們有能本事破案咩！！！

懷疑香港警察選擇性執法：

上載一張相片，管有相片都要捉？？

咁借問咁多間報館係邊度搵 d 相返黎登？如果人地俾佢既，點解警察唔高調咁捉收相既報館，盤問佢地相既來源？如果佢地上網搵既，點解唔捉佢地管有？

報館有相，有極大可能性會登係報紙度，佢一登係全世界睇到，點解佢地無可疑，反而普通市民管有幾張相就非常高調，連警務署長都出黎大條道理咁報告佢地又拉又鎖 d 市民呢？邊個發佈左既話會有更大嚴重性
？

大家都見近排幾多人公開講佢地睇過 d 相，好多位藝人及名人都有係報紙﹑甚至電台講啦！佢地係邊度得 d 相返黎先？？

人地借佢睇？咁又唔見警察捉佢地？借俾佢地個 d 人都有份傳閱啦，都犯法啦，又唔去捉？？

唔俾人地保釋，皆因佢可能會再發相片。咁點解某名富商又可以保釋又可以減輕控罪？
佢保釋完都可以繼續開快車，夠仲大機會危害他人生命啦！
大眾市民既人命，同明星照邊個重要？
"公平" 既法律話左俾香港人知。

「法律面前，人人平等」呢句說話無人未聽過，但真正懂其真正意義既有邊幾個？？我相信，而家先係大家學懂既時候！

只要你有錢請得起律師，先有法律，先有平等。
你無錢請律師既，你係無法律講，可來平等？
無錢係犯罪動機，咁各位有樓要供﹑有車要供﹑有卡數欠既人要小心，應該斷絕一切社交活動！你去賣旗都要小心，隨時有可能俾人告你有動機去偷 d 捐款呀！我地仲駛乜出街？去商店就有動機去偷野
啦！有欠款，有動機去偷野去賣啦！
我地唔好行去銀行附近呀！有可能俾人告去打劫呀！有欠款，有動機去打劫啦！

我地千萬要記住，附近邊度有有錢人，我地知道就要掉頭走添呀！唔係隨時有可能俾人告意圖綁架呀！！有欠款，可動機去綁架富豪去拎贖款。因為，你無錢講法律。

近排，網上經常流傳一句，「法律面前，窮人含x」。各位網位，窮人係無得企係法律面前架……

那個叫裝修工人又怎會是源頭, 他都是普通的網民, 法律真的很會保護有錢人...