我想買盈富基金，係時候嗎？

以前買盈富基金係為左穩陣或者儲錢用居多，現在我認為可以用作短炒之用，因為以前香港每天的點數極其量只是兩三百點一日，一日上落兩三毫，每一千股即兩萬四千三賺得三百蚊，唔伐算，一般投機者也不會選擇，但今時今日唔同，下下講開千千聲或者五六百點或以上，一日分分鐘會有五毫至一蚊或以上的上落，買一千股可賺五百至一千，所以只買一千股係冇肉食，係買就買大約四千股先有肉食，睇見你可能以為盈富基金會升到60蚊，我假設你係唔識計盈富基金的價格，恆生指數現時約24123點，盈富基金的理論價值變到是24.12左右，另外市場上會有買賣的多與少供求關係使其反映恆指24123點有差別，所以你會見到24.3元收市價，相差也不多，即係話恆指要升到六萬點盈富基金先會有60蚊，另外有兩隻係06年未先出的指數基金，也是相同計法，2828是買國企指數的指數基金，2833是買恆生指數的指數基金，2833同2800也是計恆指，但我還是建議你買盈富基金，一來多人識，二來入場費比較少吸引更多人買，三來派息比2833高一點，
2800與2833派息比較:
2800盈富基金去年派息0.42+0.21=0.63，若果你投入二萬四千三的資本買入一千股，07年全年你可以收630元正，股息率2.59%，跑輸定期存款
2833恆生指數基金去年派息2.3+3.6=5.9，若果你投入二萬四千二的資本買入一百股，07年全年你可以收590元正，股息率2.48%，跑輸定期存款
如果你要穩定收息，還是一些本地銀行股
本地銀行的話有點冒險，因有次按資產，未來可能冇息或少息，排在股息率前幾位的:
匯豐銀行5.32%大眾金融5%大新銀行集團4.41%中銀香港4.36%永隆銀行3.87%工銀亞洲3.85%恆生銀行3.51%等等自行選擇
我個人就不停留意2828多，因為未來香港指數要升多數都要靠國企股，恆生指數的成份股我有點唔放心加埋其他股票，例如匯豐銀行、中國銀行、新鴻基地產、長江實業、港交所，一係就升到高位要回吐，一係就受次按影響股價牛皮或者下跌，容易受到無高弄低，國指就唔同，冇左匯豐銀行，雖然有平保，但是其他大部份國企成份股都係基調或業績良好的股票，而且又從高位下跌了很多，國企指數一萬二千點的區域，我覺得是比較便士的區域，未來不會只是這些成份股，還會逐步加入新的成份股狀大指數。而花費的成本可以是買盈富基金的一半就買到一百股，如股價除十買賣股數*10，買一手盈富基金的成本約是買二百股2828，一係岩時候例如國指跌一千點，買入搏反彈，第二日國指反彈，你係可以肯定贏錢，因為跟國指，總比買了其他股票見到大市升不知升不升為好，最重要是容易掌握，例如熊市時你搏反彈買股票基金，就算蝕都蝕得比正股少，適合一些平衡風險派的人士，例如一半買國企股，擔心國指升你賺不到，可以另一半買國指基金，即使升市中另一半股票跌，但指數基金保證升市中賺到一點去抵銷你另一半買的股的損失，如果兩者都升就雙收。