65A可否帶70A的bra? (不要copy的答案=])

其實要分兩種情況去決定。
1 65 or 70，講緊係乳房下面的圍（圓周），如果帶了70之後，下面條橡根唔會走位，就咁合帶。如果走位，要帶番65。
2 cup A，係杯位，即是乳房的大小。其實仲有一個size 係 AA，比 A 還要細。你右胸有點位，可能有幾個原因︰
a 杯位的形狀唔合你。其實杯位有好多唔同的形狀，有d濶d，有d圓的，有d窄d，而兩邊乳房的距離都要考慮到，前扣的中間位會濶d。
b 杯位的厚度，可以加塾的，因為你仍在發育時期，可能會兩邊乳房會有少少出入，加個塾就可以。好似腳都有大細，要加鞋塾。
胸圍是很貼身的服裝，稍為不稱身，就會著得好唔舒服，尷尷尬尬咁。
一般品牌都唔會出65A，所以個sale會叫你買70A代替。其實係唔合你穿的。你可以去瑪莎買，佢地有65AA賣，自助形式，有得試。你可以選同款的65A，70AA 和70A來試，你就可以試到邊個size最合你。如果3個size 都唔舒服，就係個杯位設計唔合你，揀過第二個款再去試，任試的，唔駛怕。但係唔係每款胸圍都有65A 同 70AA，你要睇下個牌先，因為有d設計係做唔到咁細。
另外 "W" 字頭個間都有幾隻款有咁細的size，你入去同sale 講，佢會搵比你，你試帶好可以叫sale入fitting room幫你睇下，同埋話比佢聽你覺得邊個位緊，邊個位鬆，佢地會幫你揀到個合適的。
瑪莎的平的，"W" 的貴好多。