鼠鼠咬籠(專家請進)(15)

咬籠唔咬磨牙石呢個係惡性循環,愈咬籠就愈易唔咬石,因為有得咬籠去磨牙

A.鼠鼠咬厭左舊磨牙石就好易會唔再咬,可以試下買第D磨牙石之類俾佢,例如其他磨牙石,鼠專用樹枝,木玩具同以下相片既食物棒
食物棒係食物包住支木,鼠鼠食到入去會咬支木從而磨到牙,怕咁大支佢唔知要食幾耐,都可以拆走少少食物先俾鼠鼠,唔好買右邊咁大支,鼠鼠食唔晒既
　
圖片參考：http://i176.photobucket.com/albums/w162/kelvin320/080202-1.jpg

可以一次俾幾樣野俾鼠鼠揀,有D鼠鼠唔用既就抽起,可以洗乾淨俾第隻鼠用,又或等鼠鼠用厭左今次揀中既野,再換俾佢,到時可以會用都唔定
玩具用品都係,鼠鼠對耐左都易會生厭,只要唔止一件,交替咁俾鼠鼠,鼠鼠就較易會接受,下次用又有新鮮感呢,即係例如有兩件玩具鼠鼠都喜歡,就俾1佢玩,玩到唔玩就俾2,就唔好一次俾晒佢喜歡既佢

不過揀玩具都要留意,好多玩具都係為細鼠而設,細鼠比較受歡迎,所以一定要小心揀d唔會有好細個孔之類,唔係熊仔鼠就會有機會入左出唔到or卡住

B.咬籠方面,主要因為鼠鼠牙齒不斷生長而令鼠鼠牙痕咬野,同時亦可能因為感壓力,環境嘈吵,環境有變化,同第個鼠籠近都易令鼠鼠感到壓力,環境唔易改變,所以就可以用教鼠鼠既方法
唔知而家你其他兩籠鼠同佢近唔近呢?如果近既最好分開D,唔係佢地又學埋咬籠就仲慘

咬籠會令鼠鼠食左籠既油落肚,又易令鼠鼠鼻下同咀下甩毛or損,所以要好好教佢唔好咬籠

教鼠鼠唔好咬籠既方法:
一.首先要同隻鼠鼠熟既先,唔熟好難教得識(你養左個半月,又懂得點同鼠鼠開始熟,應該都同佢熟到,但都提一提吧^^,相處冇問題就可跳過呢點)
如果鼠鼠顯得同你生疏左or未熟,搵兩日唔好打擾佢,再試下以下方法同鼠鼠慢慢熟絡:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

二.同鼠鼠熟左之後,我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次
而熊仔鼠比其他細鼠易教,所以俾心機吧!

2008-02-02 09:54:50 補充：
仲要記得留意如果佢冇磨牙,檢查多d佢牙會唔會過長,過長既話會見到咬合不正甚至合唔埋口,咁就要盡快帶鼠鼠去睇醫生剪牙,唔係會令鼠鼠食唔到野,再耐d就會刺穿鼠鼠既口添

鼠鼠咬籠除了磨牙會通知你肚餓和想引你注意

買過硬d的籠or看醫生。

呢個問題我諗係因為佢想走,如果佢有使用磨牙石就冇問題啦,佢只係想走,你比人困係個籠入面,你都想走啦!佢唯一既武器就係牙,所以佢咬籠,希望走到

如果佢冇用磨牙石(間中一次都冇),你就應該take佢睇獸醫啦

自己打嫁,唔好copy,比最佳我啦

佢唔鐘意石
佢鐘意籠囉