屋企裝修,裝修包唔包安裝鋁通?

般如果佢地幫你做開裝修工程. 應該唔會額外收你工錢 ka la. 但材料都要收番錢 ka 嘛. $700 係咁上下啦. 另外如果裝燈, 其實燈舖應該包安裝 ka 喎. 應該叫燈舖裝 ka 嘛. 我試過比裝修佬幫我整. 佢地唔係個科 ka ma. 支天花燈一星期就趺左落黎 la!! 好彩冇 dup 親家人. 小心 D 好!!

非常同意leungkingtin2005的回答,其實師父唔會免費做,因為要俾人工其他人做嘅,做都只是在誤會情況下發生,即客人落定時唔會講定要跟幾多代安裝嘅野,晤通師父話唔得咩.
到有些人買咗啲嘢返來,如果太複雜,但係唔裝又驚收唔到尾數,做又好似被迫,臨尾客人要話手工唔得可以好多嘢講,左扣右扣!
但其實個客唔係太麻煩及像"老馮"般,加上平時有茶到,工人都樂意幫手,唔洗師父叫。

我首先講明我是一名裝修師傅，通常在裝修前如果講明要幫手裝鋁通、鋼通之類的東西，一般不太多的話，我們都不另收費，但對些駛人唔駛本，初時叫你幫手安裝一兩件東西，見你無所謂，跟著買一大堆東西回來，這些貪得無厭的人，我們一般都要計番人工。
其次如果你原先有很多項工程，但後來又左減右減，工程縮了一截，原先答應免費替你安裝的東西，可能要另外收錢，因為你已違犯當初的承諾。正如餐廳一樣，下午茶餐有餐旦麵加奶茶，收12元，餐牌單飲一杯奶茶要8元，你對老板說我祗要餐旦麵，扣番8元，比4元你，你以為得唔得呢。
講到裝燈，本人親身遇到很多不愉快的個案:1)業主在大陸買了一盞燈回來，百幾件配件
，砌了大半天，發覺配件唔齊，打電話告訴業主，業主叫我拆番盞燈等佢帶番大陸換，換燈時，大陸那間公司話我丟了配件，要業主加錢，業主口黑面黑的回來，對我說:師傅，你今次唔好再唔見配件啦，我唔想再走上走落。我同佢講:我沒有丟掉任何配件，我義務幫你裝燈，砌了大半天，又逐件拆下來，裝翻入盒，又要等你換回來，再裝一次，我都好唔得閒，結果大家也不愉快。
個案:2)業主買燈回來，一齊打開，吩咐我每盞燈應裝的位置，我發現其中有一個玻璃燈罩裂了，業主也看到，立刻拿回燈飾公司，該公司拒絕換，話業'主自已運送時整爛，無得換，結果業主去另一間買燈，叫他們送上門，裝好，先比尾數。
至此以後，非迫不得已，我唔裝燈。
如果包埋裝燈，700元合理。

通常成張報價單報既話會包埋 , 而且會平番俾你地或者送埋俾你地 , 呢d野通常結尾數先會同你地計..700蚊只係裝鋁通既話真係貴左.....裝燈一定要另外計錢

裝鋁通通常裝修師父不會再收額外費用，只要你配合到佢地工作！
裝燈就可能要計錢！
$700梗係貴啦！講下價啦！

如果係安裝窗簾條通,洗手間,廚房,衣帽間掛野既通，都唔係平，500就差不多。
當近過年，師傳一日人工900，半日就裝好啦，主要係鑽洞之嘛！
不過若你費事麻煩再找人安裝，就當破財擋災。
(我家兩次裝修的師傅都係無所謂，問我有無0野安裝，連燈都免費幫我裝。)

2008-02-01 13:45:58 補充：
咦，有 D 回答好有裝修師傅味.....！