現在的利率太低，如果將D錢轉做高息利率掛勾，風險如何﹖請有識之士賜教！

✔ 最佳答案

冇錯，而家港幣／美金存款利息真係好低，股市又面臨大熊市嘅風險，真係冇乜嘢投資好做．

存高息外幣定期唔係唔好，不過，要注意匯價風險，學理上黎講，高息貨幣長線黎講，匯價應該會下跌，所以，要小心平衡匯價可能發生嘅損失同埋息差．

個人認為風險比較低嘅財務安排，係存人民幣定期，長遠黎講，以中國嘅發展趨勢同潛力，人民幣匯率下調嘅可能性好低，匯價損失呢方面風險就唔大，而人民幣存款利息又高過港幣幾多，所以，呢個選擇幾值得考慮．如果唔嫌麻煩，將D錢攞去深圳嘅銀行存，利息高過響香港存好多，不過，因為錢銀出入境有限制，麻煩就麻煩在，如果你有好多錢，就要”螞蟻搬家”，而且過程中要特別小心打荷包嘅機會．