老公愛上別個怎麼辦？

先要明白自己是可仍想維繫那段婚姻, 如果想便留下, 看看他是如何, 男人有時是貪新鮮, 不一定是愛對方. 給他多半年機會才說.
不要為錢一事作決定, 在婚姻上, 是由心出發.

我都好同意樓上各位嘅講法!

我都係過來人,我亦都有一個5歲大嘅女.當初亦好似你一樣無私己、又玩踢爆,俾足2年幾機會佢,但又咪係越揭越臭...又咪係離婚收場?!

究竟你清唔清楚你老公係唔係玩婚外情嘅高手??

不過anyway,現時最好忍一忍,盡量有現金攞現金;唔俾錢就買多啲值錢嘢...記得要保障自己同兩個女...

女人喺婚姻裡面無非都係得兩樣嘢:一係要人(感情)一係要錢!

當個男人除咗傷害之外,乜都俾唔到你哋嘅話,就冇必要難為自己同兩個女...

你自己諗真啲喇...

1)首先你需要問一問你自己,對呢段婚姻仲有無想挽留0既餘地先???

2)講真...佢既然有咗第二個,而且仲拖咗咁耐,好難令佢返轉頭,除咗佢出面個女人做出一d好錯0既事令佢無法原諒啦,否則機會真係好微.

3)你肯定你能承受到跟他離婚後的壓力/生活變化嗎??點解我要問你呢樣0野呢...其實一開始你己經行錯咗第一步喇...點解要迫佢親口向你承認佢有第二個呢??我好明白,當一個女人發現自己老公有外遇時會係咩反應,就係因為果一刻你太衝未完全想清楚,所以今日你先會咁煩,諗日後日子點過...宜家既然大家都表明立場,就請你三思而後行....

4)我係一個單親家庭長大0既女子,記得0係我小學時爸爸己經比媽媽趕咗出去,當時我媽媽同你環境一樣,佢無私己錢,無工作,仲帶住我地三姊妹,不過媽媽堅決要爭取我地跟佢,而贍養費都一定要爸爸比,每個月都要比,一唔比就告佢,因為我媽咪識得車衣,所以都會拎d裁片返屋企車賺返小小生活費,結果我地一樣捱得掂,當然要過好好0既生活就無可能0架喇,但正常温飽0既生活就唔成問題0既....我今年都29喇,咪依然活得好好....所以呢,你唔好太擔心無錢會點啦,我覺得最重要係你諗清楚跟住落0黎0既日子要點行呀,計清楚每一步....最後我希望你所做0既決定都係正確0既....支持你....

2008-02-01 15:03:01 補充：
爸爸是因為有外遇而被媽媽趕走 "不止一次外遇"

如果妳一直都冇自己的錢,而且妳仲有二個女,
我諗妳係要再比多次機會佢,
雖然唔可以話因為錢先原諒佢,
但妳有二個女,自己又好難找野做,
現在妳只想佢真係可以離開嗰個女人,
如果唔係,妳將來要諗的問題就是錢,
同埋妳應該要由現在開始要懂得"打虎頭"
少少的問佢攞,等到佢冇錢時,就可以什麼地方都唔想去,
但最重要是唔好咁過過,
要學懂好好保障自己