登記護士及健康服務助理

1. 登記護士當然是比健康服務助理(HCA) 較有前途喇。登記護士入職滿 3 年後，可在公餘報讀公開大學註冊護士學位課程，考獲學位，可轉職註冊護士；HCA 沒有任何晉升機會，捱得，可做到退休。
2. 登記護士要會考 5 科合格包括中、英文；HCA 只要求 中三程度。登記護士是兩年制全日制課程，HCA 最長都不超過 3 個月課程。
3. 生署，社署，養和醫院、聖德勒撒醫院等都會僱用經他們訓練的登記護士；HCA 除了醫管局會僱用他訓練的HCA外，其他的輔助機構畢業的HCA ，都要自己去工作。
4. 讀完都要自己工，護理協會個不會提供工作的。

１．黎２種職業的前路誰比較好？

登記護士 (政府) : 人工比健康服務助理高好多, 雖然入職得萬零蚊, 但會跳point去到 兩萬幾蚊, 此外,重有最少仟幾蚊津貼. 而且, 在職醫院會不停比course 你讀, 務求如時並進, 重有若果想升為註冊護士, 亦有課程可供進升,起薪點$19790 至頂point $31835. 再想升既就係做護士長.

健康服務助理 (政府) : 一句講晒, 無進升機會. n年前,享有長俸兼有point 跳兼有津貼, 入職$10,xxx 至頂point$13,xxx, 另加仟多蚊津貼. 但近幾年改為合約制, 由一萬元趺至九仟蚊, 完全無任何津貼, 即係話你做一世都係得九仟蚊, 或者望佢按市場調整加你一,二佰蚊, 入職就簽一年約, 往後就每兩年簽一次, 而且你更加要比老手既同事要做得多.


２．黎２樣職業的課程入學資格？

登記護士 : 當然係登記護士吃香d喇. 話晒都係香港政府發牌, 要註冊架. 要讀兩年全日制.
好多公營,私營幾構都要求中五修理科五科合格, 當中私營要求高d喇, 要中七先機會大.

健康服務助理 : 只要中三就得. 係出面d 學校舉辦已而.


3．黎２樣職業的求職途徑,前景如何?

你可以上各大醫院既網址找一找招聘欄, 又或者去ha.org. hk去望一望, 又或者去明報睇睇,都有好多醫護行業既招聘


４．讀完香港專業護理學會既課程出到黎找唔找到工作？

找到工既機會好高,但要留意政府醫院, 皆因由面試(一次性),體檢,可能要個多兩個月才可入職. 另外, 私家要面試兩次, 並且有部份私院(九龍城法國醫院及浸會醫院)要應徵者付費體檢,無問題受聘後三個月才發還, 若果有問題(即不受聘), 當然無得發還,重有我知仁安醫院入職前要讀佢地搞既course, 都係要比$, 畢業合格後, 入職三個月才發還, 相反緊係無$退喇. 此外, 提一提, 上ward 辛苦過係門診, 有得揀既要去門診(如果你係後生都有得揮), 若果去正老人ward, 包你工傷, 整趁腰.