是否做抺片檢查就能check到有無子宮癌

1)做抺片檢查只能測到你有冇「人類乳頭瘤狀病毒」,因為通常有子宮頸癌既人都會有呢種病毒, 但記住, 有呢種病毒唔代表一 定有子宮頸癌, 因為我試過。
2)想知道子宮內有冇腫瘤有好多方法, 例如驗血, 驗組織, 個瘤大可以照x光, 最好做b超, 會仔細好多, 最鬼祟微細既地方都照到, 位置準確好多。
3)政府母嬰健康院、家計會及那打素診所等都有得做栢氏抹片檢查, 但價錢同出便差唔多, 又要排隊, 如果好得閒都冇所謂, 不過可以試吓出去私家診所格下價, 唔係貴好多又唔使等。
4)兩者分別就是一個係卵巢癌, 一個係子宮項癌, 子宮頸用手摸到, 卵巢用手摸唔到, 通常在公立醫院, 醫生都會在這兩種情況下建議患者割去成副子宮, 乾手淨腳, 但係好多人割完都會後悔,話哂都係女人既象徵, 除非有個好明事理既老公,如果唔係真係會影響夫妻感情架, 私家醫生就可能會淨係割出事果部份,當然手術費貴好多啦, 所以女人有番咁上下年紀, 真係要買定份婦女保險呀, 有咩事邊個可憐你呀係咪?
##我出事果陣身体都會有好多變化畀我feel到係有d野架, 例如甩頭髮、頸度成日有腫起、下体分秘唔正常、出風疹等, 做完手術後就冇哂呢d徵狀, 不過我唔係cancer, 醫生話再唔理先會可能變cancer, 所以有咩事好快d去驗下安心d咯, 祝大家身体健康!