✔ 最佳答案
我可以同你分享吓美國既經驗, 考PPL, 同考車牌一樣, 有2部份, 筆試 + 飛行試, 筆試係電腦選擇題, 香港都可以安排考, 你可以在網上, 或者托朋友先買書睇, 咁樣你唔需要留咁長時間係外面, 可以慳返好大筆生活費, 甚至驗身, 都可以係香港做, 不過價錢香港同美國差唔多, 到你筆試已經Pass左, 先去考 "飛" 個部份, 一般情況, 4個星期, 可以順利考到個PPL.
至於飛行學校, 係美國, 真係多到眼花撩亂, 我唔想同佢地賣廣告, Yahoo/Google打 Learn To Fly, 自己慢慢選吧! 不過, 我建議你選擇學校在 Class C 既機場比較好, 因為Class B 既機場會好煩忙, 每次起飛同降落, 都要排隊, 係 SFO 同 Oakland, 如果你應ATC稍為慢d, 佢地都會對你好唔客氣, 而 Class D 同 E 既機場又太靜, 有d甚至無ATC, 學唔到野.
至於用什麼型號飛機, 個人意見, Cessna (172 或 152) 好過 Piper, 因為Piper係low wing, 降落時會受Ground Effect影響比較多, 初學者比較難應付.
祝好運 ! Happy Landing !