如果香港樂壇有改善餘地,你會有咩意見?

十分十分極之極之認同! 我覺得而家時下 d 歌星 ( 年齡介乎 18 - 25 歲嗰班歌手 ), 簡直不知所謂, 唱埋晒 d 無厘頭歌, 搞到我幾乎同音樂脫節 ( 因為 d 歌完全聽唔入耳, 所以寧願唔聽 ), 反觀老一派歌手 ( 年齡介乎 30 歲以上嗰班, 完全兩回事 ), 最起碼呢班歌星係靠實力而唔係一味靠跳跳紮紮 ( 意思係指跳舞 ) 來俘虜粉絲嘅o 我要先澄清 ~~ 本人並非上咗年紀嘅人而鍾意呢班所謂嘅老一派歌手, 而本身都係唔超過 30 歲, 但我很喜歡聽如 : 林子祥, 杜麗莎, 仙杜拉, 陳潔靈等等......呢班老牌歌手唱嘅歌, 但如果講遠咗嘅話, 後生 d 有 : 李克勤, 陳奕迅, 孫耀威, 何韻詩, 甚至乎謝安琪等等......呢班歌手都唱得好好架 ( 最起碼佢地 d 旋律易上到心先囉 ) o
註 : 最起碼呢班歌手唱嘅歌唔會失水準兼走晒音先啦 ~~ 其次係觀察佢地唱歌嘅時候, 佢地都只係打下拍子咁, 唔會諸多動作架o

點解？因為香港音樂既商業味道太重啦
k歌係香港既主流，
因為要迎合各大k房既巿場
試問rap歌，快歌又點會有血路走？
完全做唔到beyond時代既共鳴，
最少，都要有四大天王既號召力啦
成日都有d冇乜實力既歌手出道，
最慘係有實力既歌手，都因為取悅唔到老闆而攪
到星途暗淡，最佳例子一定係關心妍啦，牛龜咁
聲既歌手又仲生存緊，太恐怖啦....
d老細又要歌手肯同佢攪野先肯捧紅佢，
邊個我唔講啦，大家心中有數，
但係講到最後，要振興香港樂壇，
希望大家多多支持正版啦，
就算唔係首首歌都正版，
起碼都支持返一兩個，
如果唔係，香港只會越來越多聽一次都厭既歌

好歌唔係冇...只係因為大過歌令你唔知點選擇...
好似方大同的四人遊,愛愛愛,Goodbye Melody Rose...我有2個月都只係聽佢隻碟(而家都重有聽)
只係有d歌太泛濫...攪到個個歌手d歌首首都差唔多...冇風格...
第一例子容祖兒....你聽完都唔會記得歌名,因為首首都差唔多...