KK958,我想問到依家你覺得中材仍有機會嗎?

本身都唔想同啲匿名人士作口舌之爭，就算1893今日跌到6.9，我揸住12手，1手都無沽出過，因為我對1893仍然充滿信心，我買股票係作長線投資同儲錢，而非短線投機抄賣，我之前ipo抽中939同3323，到而家都仲未沽出，就係我覺得有潛質同有實力嘅股票係唔需要理會股價，直至我等$用我先會沽貨!再者$係我嘅，我喜歡點就點，無需向其他人交代，我喺度表達同分享自己嘅意見同心德，各位網友可自行研度及判斷，唔啱聽可以無须理會，大家成年人相信都明白呢個道理！至於1893由上市到而家，基本因素無變，盈利前景仍然樂觀，所以我會繼續持有，我堅持1893長線必值$20！
PS:呢次係我最後一次回應有敵意嘅問題，因為拗嬴咗唔代表我賺多咗！

其實喺知識+度表達意見, 本人愚見係大家互相交換心得, 給我哋可以從不同角度去作參考! 即使意見與己見不合, 又或者到頭來結果係事與願違, 我覺得都唔應該再作挑釁性嘅質詢! 請恕本人直言!

講番隻1893, 上年年尾因為個市好, 加上當時興炒半新股, 所以1893先會升到pang pang聲, 相對依家個市差, 炒新股風氣過晒, 所以1893先會不斷咁跌, 你睇番幾乎全人類都讚嘅匯豐, 國壽, 中移動, 港交所等等嘅實力藍籌股, 咪一樣跌到pang pang聲, 加上1893隻新股全無過往技術數據作參考, 佢嘅跌幅我覺得絕對可以理解!

記唔記得當1893升到pang pang 聲嘅時候, 有幾多人不論喺電視節目, 電台, 報章, 甚至留言版上, 都讚到1893點樣好, 點樣勁, 又話目標價幾多幾多; 但到佢依家佢跌嘅時候, 又有好多人出嚟講佢會跌到幾多幾多! 有時我真係覺得股票市場正正就係人生縮影, 往往就會一沉百踩, 真係有點無奈同唏噓!!

請恕我講咗咁多費話, 其實當1893升到pang pang聲嘅時候, 我已經好想入(因為我真係覺得佢係一隻極有潛力嘅股票), 但係經我分析當時市場對呢隻股票嘅反應後, 我決定無入到, 因為我一直都唔讚成高追(所以我從來都搵唔到快錢同大錢), 但係我一直都有留意佢嘅股價走勢! 直到前日, 我終於入咗10手, 雖然今日佢再跌7.8x%, 但係我都唔會止蝕, 因為我對佢絕對有信心!

總言之, 大家家和萬事興, 錢錢自然來! ^.^

祝大家好運!

我覺得太自我,先會有今日結局。
在波動的市埸最忌諱太自我