法律問題-有關於被告藏毒罪名, 超急!!!!!!

你單case有d踩界.
根據上訴庭在98年5月26日所訂下對Ketamine (K)的判刑指引, 販運25克以下的K仔判刑由法官決定, 並可以以藏毒作交替控罪. 25克以上至400克以下判刑是2-4年監禁. 400克以上至800克以下判刑是4-8年監禁. 800克以上判刑是8年以上監禁.

以上指引中所講的 "克", 係指實際純度. 我唔知你所講嘅27克, 係指 "27克懷疑含有k仔的粉未" 還是化驗後驗出實際k仔含量27克.
如果係實際純度27克, 咁就係販運, 判刑是2-4年監禁. 呢個係高院上訴庭的判刑指引, 所有下級法庭都要遵守. 即係坐硬2年監.
如果係 "27克懷疑含有k仔的粉未", 咁根據經驗K仔普遍純度為60%, 即係實際含量16.2克. 咁就係藏毒. 如果你認罪, 又係第一次犯罪, 毒品數量咁輕微, 你同個官講你唔係吸毒者, 只不過貪玩, 人地俾d K仔你, 你就試吓. 咁好大機會唔使坐監. 會判罰錢同守行為. 如你認罪只需揾法庭當值律師(免費)幫你求情.
差佬會在你轉擔保時通知你上庭日期地點.
藏毒係刑事罪, 會留案底.

案底多會留架啦,份量不多只當自用,未必要坐監,有求情信會比個官的印象好D,會判
輕D,但一定要認罪,比個官有知錯能改的印象,不是一個無可救藥的人.及要看年齡及
是否初次.
勸 : 毒品還是以後不要接觸為妙,年中多少因都是這些原因被拉.