我對佢重要嗎?佢仍愛我嗎?

首先 , 我份人講野好直 ... 所以我所表達o既意見 ... 可能會 hurt 到你 ...
如果你真係想聽真話 ... 咁你先繼續睇落去吧 ... 否則我講咁多都係多餘 ...
你只係活係你自己世界裏面 ... 因為你俾我感覺到你真係太過鐘意佢 ...
你會不自覺咁為佢解釋好多 ... 幫佢講好多好話 ...

我對佢重要嗎 ?

我覺得你係佢心目中一 D 都唔重要 !

首先佢話要有事業先 ... 所以同你做住好朋友先 ... 其實只係唔想負咁多
責任 ... 做朋友的話 ... 你有好多野都唔可以管佢咁多 ... 亦無得要求佢
咁多 ... 咁佢自然輕鬆自在得多啦 ... 但係同時佢又知你鐘意佢 ... 咁當
佢想要個人陪 ... 想拍下散拖o既時候 ... 佢就自自然然會搵你 !

加上 ... 從佢情願同一個女仔 netfriend 去唱K飲酒 ... 都唔陪你過生日 ...
之後飲到酒紅晒 ... 先黎搵你地打麻雀 ... 重要打打下無左件事 ... 要人提
佢先記得同你講聲 happy birthday ... 重要係已經過左生日了 ... 咁生日禮
物呀 ... 蛋糕果 d 更加唔駛講啦 ! 一定無買無送啦 ... 其實從呢 d 野都應
該可以好清楚知道你係佢心目中o既地位有幾多啦 ...

重有呀 ! 你講到佢咁忙 ... 點解重有時間去 d 交友網識女呢 ? 咁佢情願去
識其他女仔 ... 都唔攞多 d 時間去陪你 ... 咁 ... 唉 ... 你明未呀 ?

佢仍愛我嗎?

其實我覺得佢可能根本由頭到尾都無真正愛過你 ... 只可能係你單方面好愛
呢個男人咋 ... 如果佢真係愛你點解又唔同你拍拖 ? 果一堆只係藉口 ... 旁
觀者其實睇得好清楚 ... 如果佢成日搵你同你一齊 ... 而 d 行為根本同情侶
無分別的話 ... 咁可能佢只係想當你係個 stable sex partner 咋 ... 佢可以
得到佢想要o既野 ... 又唔駛太理你感受 ... 又可以唔駛晒咁多時間心機同埋
錢去氹你開心 ... 我覺得佢係一個好自私o既人囉 !

佢會詭我, 我是否有小小存在價值! *** 點解要詭我, 如果大家只係 net fd見面
何必要詭我 ? 為左第2條女忘記左我嗎 ? 我仍然有必要存在嗎?
(是否男人詭得第一次就會有第二次...如此類推.)

首先 , 佢呃你可能真係代表你係佢身邊有一定o既存在價值 ... 但係咁樣唔代
表 d 咩 ... 只係可能暫時呢一刻 ... 佢搵唔到一個比你 "更好" o既人 ... 你都
話佢覺得你好好 ... 但係果個好o既意思係咩呢 ? 如果佢真係覺得你咁好 ...
咁好應該快 d 將你變成佢女朋友 ... mark 住你 or 快 d 同你結婚啦 ! 係咪 ?
我覺得佢話你好o既意思 ... 只係話你對佢好好 ... 可以任勞任怨 ... 佢講咩你
都信 ... 呼之則來揮之則去 ... 咁好o既女性"好朋友"去邊度搵呀 ? 佢緊係唔
想你走 ... or 怕你諗得太多啦 ... 破壞左而家"咁好" o既關係 ... 所以點都會
呃住你先 !

我絕對相信佢唔止係第一次呃你囉 ! 同 netfriend 唔話你知可能只係其中一件
事咋 ... 可能以前有好多次扮忙扮唔得閒都已經不知約左幾多女仔出黎 ... 只
係你唔知咋 ... 而今次因為佢做得太過份 ... 連你生日都唔陪你走去陪人 ...
重要之後搵番你都唔記得左件事 ... 你先開始意識到有 d 問題 ... 覺得佢有野
瞞住你 ...

我覺得你沒有必要為任何人而存在 ! 你係屬於你自己 ! 你應該 focus 多 d 係
你自己身上 ... 多 d 去錫自己 ... 價值唔係人地俾你 ... 你應該肯定你自己o既
存在價值 ! 離開呢個人啦 ! 佢唔值得你去咁愛佢咁重視佢 ... 長痛不如短痛 !
灑脫 d ... 唔好再俾呢個人去控制住你 ... 去搵一個真係對你好 ... 真係鐘意你
o既人啦 ! 唔好再咁傻晒時間心機眼淚係一個唔值得o既人身上啦 !!!

雖然我唔識你 ... 但係我都唔想你再咁樣浪費青春係呢 d 咁o既男人身上 ...
希望你可以得到真正o既幸福啦 ! 要記住 ! 女人o既青春係好寶貴 ga !!!

佢都講到明只是想做好朋友,不是女朋友,放棄吧,我想你一定
會找到更好的.無論他做過什麼你都沒有資格去介懷了,想多無謂,
反令自己唔開心,因他已說到明,他一大個圈向你表白已盡了君子
風度了,不是一個照面飛你..
RELEX.......

看完我都唔覺佢重視你, 愛你噃, 佢跟本就當你真係普通朋友, 不過你呢個朋友都係玩玩下個類人, 你唔同佢一起真係一喲都唔可惜..

清醒吓 ~ 佢跟本唔重視你 ~ 佢只不過用一些藉口嚟應酬你 ~ 即係拖住先 ~ 一 d 誠意都冇.

有時用多D時間去看清楚一個人會好D,對自己要有自信,愛情要用時間証明的.

多餘, 有心既一定想你做佢男/女友