請問yahoo友緣人識女仔信得過嗎?(有個案)

比著我一定唔會咁快比電話......
因為?
始終對方係一個陌生人,未起對方底就應該要保持一定距離
加上,點解唔係佢比電話你,而係你比電話人? 單係呢一點足夠疑惑 . 假如,佢真係劈頭第一句比電話你,唔好講係唔係呃人,我覺得咁樣發展太過急了.

msn同icq絕對係一個"testing water"既最好途徑,唔會太過私隱性質,彼此又可以交流,雙方都有保障. 如果,佢真係有心同你做fd,我諗你叫佢用msn交流一下先,應該都唔會係問題吧! 以此論之,愈心急既人,就愈有古怪.......

冇人知道將來,冇人知道呢個電話係唔係會比倒一段珍貴既感情你.
我覺得:
嚮往求偶之餘,亦要保持理性

我建議你,不如係自我介紹(應該有類似東西吧) 寫msn識人吧,之後識倒係有感情,再步步為營,問佢拎電話都唔遲 (咁樣先令我覺得係有心人)

不太能相信

係友緣人入面有好多係推銷女, 佢地似住自己有幾分姿色就係上面搵人笨七, 你講既以上十成十都係推銷, 基本上可以delete, 請閣下小心....哈哈

有真有假~

真o既就係有o女仔真係想透過友緣人識男仔，不過佢地就唔會即刻留電話咁，反而同你傾多兩傾先。

假o既就係好多乜乜傳銷物物直銷o既人o係度呃飯食，佢地搵晒自己o的朋友冇人可以再搵o既時候，唯有上網識多o的人，情況就好似你咁，一覆你就淨係留電話，等你一打去就用o的甜言蜜語氹你出去，你一出到去就叫你買呢樣o個樣，不過你可以試下同佢講你有幾窮，睇下佢會唔會叫你唔好再打比佢呀啦~

如果你真係想識多o的朋友，不如你擴大你o既社交圈子好過啦，想識多o的女仔，攪o的大型活動，叫你o的朋友帶多o的朋友出黎，男女通殺，玩下玩下大家就好易熟絡，好過你上網識埋o的唔知咩人啦。

ps.相可以唔係佢本人，只要唔用明星，搵身邊靚o的o的朋友，是但擺張落去都得

我都係友緣人member,
不過我保守d... 唔會一下子交換電話,
但你係男仔, 都唔會太蝕底..
不過有金錢瓜葛就小心lor...
可能都係冇時間online至比number你jer,
係一個快捷既途徑嘛! 平常心..朋友都ok既

本人是女~雖然我冇用過有緣人, 但有用過其他類似型式既Friend Finder去識朋友, 其實我都唔係成日上網既人, 所以都鍾意同對方文換電話, 一來可以真實d聽到對方既語氣,二來我打字好慢, 想講句說話都覺得好煩!!! 所以好唔鍾意MSN, ICQ, QQ.....(其實成日上網玩既又唔會打字打得咁慢啦)
至於係唔係呃人, 我就真係俾唔到意見囉... 當然我冇去呃人啦!!!