我係hk人要去澳門

香港人想去澳門定居好簡單，只要用你張香港身份證入境，搵地方住，就可以啦，一年係咁意出境一次就可以再住一年，響澳門期間，你可以自由活動，買車買樓做生意，結婚生仔．．．．不過就係唔可以打工．

想去澳門打工，一般有兩種途徑，一係做工廠嗰類，工廠有一定外地僱員配額，只要佢肯請你，你肯做，就可以返工，不過，通常工廠都會貪平，北上搵人力資源．另一種途徑就係專業人士，你有特殊技能，響澳門請唔到呢類人，但係某公司又好需要，咁佢就必須向外請，請咗你之後，向澳門政府申請專業外地僱員工作簽證俾你，如果你條件真係好勁，咁樣就會批．

如果你想徹徹底底咁移民澳門，咁就要申請移民，目前，有優才移民申請，同埋投資移民申請（但係投資額要夠大先得，以前嗰種一百萬置業移民已經停咗車，幾時重開仲未知），仲有另一種途徑，就係同澳門居民結婚就可以攞到居留權同埋身份證．

你過macau 打工! 但係個邊間公司係香港定macau 既先? 如果個邊個間唔係hk 公司~ 咁你就做緊黑工架啵!!

如果你個邊係hk 公司 你都唔洗搞咩特別手續呀!! 只係要得閒出境入境~ 唔好過期居留!!