中銀網上銀行沽出''''''

主要係有三個可能性:-

(1) 你當時所睇嘅現價$118只係銀行嘅賣出價, 即係話你想買匯豐而銀行賣比你嘅價就係$118; 同時, 若果當時你想賣出手上嘅匯豐而銀行從你手中買入嘅價應該係$117.9! 由於你打入電腦價係$118, 但當時銀行從你手中買入嘅價係$117.9, 直到收市都未能再到$118嘅價位, 所以最終你未能沽出!

2) 中銀網上嘅報價可能有少少延誤; (我唔中銀客戶, 所以唔敢肯定呢個可能性)

3) 可能你set嘅價喺市場上完全無買盤承接! (呢個情況通常只會喺股災期間出現, 又或者你所沽嘅股票成交量極低)

經本人分析後, 認為第1個可能性係最大! 所以, 若果你下次想即時沽出手上嘅股票, 就必須以現貨價低一個價位落盤, 若當時有足夠嘅買入盤, 你就可以即刻沽出所有股票! 以匯豐為例, 若果現貨價係$118, 你打入電腦$117.9, 你就可以順利沽出喇!

當然要有人承接啦!