做人點樣先至開心啲呢?

不斷諗d開心o既野...每日笑一笑 世界更美妙^＿^

開心, 幸福...等等既都係比較既感覺泥既

所謂既開心, 我可以教你一個好簡單既方法去令到自己開心
就係將自己個頭浸係水度, 等到自己頂唔順時唔好比自己上返泥住, 等多5秒...
呢5秒, 你失去左生存最基本既權利, 係就呼吸

當你再拎返個頭上泥, 終於呼吸到第一口氣時
o個個感覺, 就係開心啦.

或者你覺得以上既例子比較極端
但係都係我覺得呢個答案容易理解

-------------------------------------------------
依照上面咁講, 一個人開心既意思就係想/需要一d野, 而之後實現到 --- (1)

之不過, 每一個人, 都會易習慣身邊發生既野
如果每日都食好著好, 太容易得到既野, 都唔會咁開心

好似運動員咁, 苦綀十年之後拎到既金牌, 比起一出泥跑就拎到金牌, 意義同感受都唔同
就係因為努力過, 成功先更有意義. ---(2)
----------------------------------------------

而我係唔係叫你不停咁去努力呢, 又唔係既
我覺得, 如果想做人開心,
最重要係自己唔好所有野都當作理所當然
盡情細味生活
欣賞自己附出既部份
再享受自己既成功/失敗


你自己睇下自己擁有幾多, 而唔好視之為理所當然
就自然會覺得開心同幸福

打個比喻
你依家有老豆老媽 <- 唔係理所當然
依家兩老都會關心你 (長氣一件事丫) <- 唔係理所當然
有朋友 <- 唔係理所當然
有工返 <- 唔係理所當然
有手有腳 <- 唔係理所當然


就算你以上既都冇
不過你都有飯食, 有地方住, 有自由.
有基本既生存權利(可以呼吸, 飲水, 大小便...)
其實已經好好.


唔開心既話
係因為你擁有得太多o者
當你乜都冇, 連生存既權利都冇既時候
你就會發現
可以生存原來係幾咁好