我隻倉鼠.........HELP

你講既位置會唔會係腮?係表面見到有粒野咁定係只係內裡腫起唻?

暫時既資料睇我覺得有以下既可能:
A.腮問題
(本人既鼠,煩請尊重版權,請勿copy,謝謝!)

圖片參考：http://i176.photobucket.com/albums/w162/kelvin320/080113p1.jpg

相中既鼠只係放左好多食物入腮既一邊,佢開口都唔會見到D食物,因為放得較入,而有時放得太多,會明顯見到表面紅紅地咁既
如果你既鼠鼠呢個情況只係剛剛發生,就有機會只係放左食物入去,咁就冇問題
如果耐既話就有機會係塞左食物入去整唔返出唻or有腮膿瘡,可以留意一下鼠鼠仲有冇用呢邊腮去收埋野

1)腮反左出唻整唔返入去
鼠鼠好喜歡收埋野在腮,有時會反左出唻整唔返入去,如果短暫咁既話就冇問題,但觀察多一陣仲係咁,就可能係腮穿左塞唔返入去,咁既話就要盡早搵獸醫處理,唔係耐左好易有細菌感染,就會形成膿瘡,咁就難處理得多

2)腮膿瘡
口入面既瘡係因為有尖既野整穿左鼠鼠既腮,再有細菌感染而做成,呢個情況一定係要搵獸醫先可以解決到,仲要盡快,如果唔係,個瘡爆左,咁就好難好返架啦.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷

萬一鼠鼠不幸,真係腮有問題,可以做下以既處理方法:
1)有第隻鼠既話要分籠,避免患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好)
2)口有粒野or腮穿左,係好易令鼠鼠食唔到野or唔食野,留意鼠鼠有冇咁既情況,有既話就要用手直接餵鼠鼠食野飲水
3)如果鼠鼠食野困難令佢唔係點食野,可以俾一d有營養既野佢食.可以試下俾d麥片佢
4)保持環境乾爽清潔,避免有更多細菌再令鼠鼠受感染
5)盡快睇醫生

其實要避免鼠鼠既腮穿,記得要留意以下幾點:
1)避免有尖銳食物or用品俾鼠鼠
例如俾一條長木俾鼠鼠磨牙,鼠鼠有可能會塞入腮帶住周圍行,唔好以為唔係野食就唔會,我有隻鼠真係試過,好在冇事

2)避免放好大舊既食物俾鼠鼠
例如有d草磚都幾大舊,又或合桃連殼都好大粒,如果鼠鼠塞到入腮,就會有危險

3.唔可以俾糖,朱古力等黏性食物
雖然呢樣同腮穿冇關,但都會令腮有膿瘡,黏既食物好易因停留在腮內而令腮發炎,所以都係好危險既

B.腫瘤or瘡
如果係表面生粒,林林地係瘡,硬既話就係腫瘤,兩樣都要盡快睇醫生先得,雖然好多時初期鼠鼠較少會好累好病咁,但唔好以為咁就冇事,因為鼠鼠壽命短,新陳化謝快,d病毒都會忽然行得好快,到嚴重既時候先去處理,就好難救得好了

瘡既話,最好在爆之前就處理好,唔係既話,爆左就好麻煩,好難好返
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷
腫瘤既話應該會照下,再做手術整走佢,但因為咁要用麻醉藥,而你既鼠鼠年紀較大,所以要考慮清楚先好決定係咪做手術,老左既鼠好難承受到麻醉藥既

如果唔似腮而又係內裡腫起唻既話,可能係入面生左腫瘤
要根治就需要盡快睇醫生先得,雖然好多時初期鼠鼠較少會好累好病咁,但唔好以為咁就冇事,因為鼠鼠壽命短,新陳化謝快,d病毒都會忽然行得好快,到嚴重既時候先去處理,就好難救得好了

睇醫生同時要留意以下事情:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖,凍既時候可以俾D鼠棉俾鼠鼠
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

C.如非暫時放野食入腮,呢D情況都需要較多儀器,可以到大圍度睇:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexotic.com/

養左兩年,鼠鼠已經年老,年老既鼠身體好易出現問題,所以一定要小心照顧,照顧年老既鼠要留意既事,可參考以下我回答既知識:
http://hk.knowledge.yahoo.com/question/?qid=7007090905156

我之前隻倉鼠都係咁......
有一日我去餵佢食野點知見到佢塊面又紅又腫...
我以為佢會自然好番...不過等下等下佢就死左>.<
我唔想你好似我咁...你快D同佢去睇e生啦...
我好傷心呀!!!

看熊仔鼠鼠醫