關於九龍城法院問題

要睇吓你嘅案情同佢到底告你咩
如果佢告你藏有而你請嘅係私家律師
你認罪加律師求情通常會判你守行為或社會服務令
因為你數量唔多...同埋去得KC COUNT嘅話案情唔會嚴重得去邊
但係如果你請嘅係皇家狀(即係法緩律師)又唔同
佢都會幫你求情但係有機會拋你14 DAY先
第一堂只係過堂...所以認唔認罪對判刑的影響唔大
但如果你冇把握打得甩嘅話第二堂最好就認
至於攞報告就要視乎法官嘅需要
一般來講因為你係白手會攞你嘅社會服務令報告及背景報告
如果你未夠21歲就有機會攞埋感化報告...更生報告
另外仲有戒毒所報告(依個要你有毒癮先需要同攞依個報告一定要還押)
不過你放心...以上嘅報告唔係樣樣你都適合
要睇法官考慮到你邊樣適合
其實九龍城法院唔係比其他法院判得重
判得重唔重要睇當日法官嘅心情(唔係講笑)