我好痛苦,一次好奇心

請不要在意這些事情,在網上search不到自己並不代表什麼。最重要的是凡事你都是盡了自己的能力去做,問心無愧便可以,其他的事情不用在意。"人比人,比死人"你要記住...最大&最難應付的敵人是你自己。

出色/叻固然好,但係有代價架,就係因為叻得濟,成績稍為退少少就過唔到自己,跟住就鑽牛角尖,到最後可能付出好大嘅代價.攞咗啲乜獎物獎當然係幾威水,不過嗰啲祇喺一剎那嘅榮耀,你有兩個咁出色嘅細佬妹,你應感到自豪,你要鼓勵佢地keep住啲成績,家姊唔係咁叻,有你兩個咁叻你都會好安慰.
每個人讀唔讀到書係講天份同埋有冇讀書緣,你讀書唔係咁叻唔代表你無出色,正所謂行行出狀元,讀得書多唔代表佢搵得多錢,有啲人讀得多書讀壞腦,讀極都話未讀完,俾屋企人鬼咁大負擔,到後來話讀到無得讀想話出去搵野做嘅時候佢已經short short地,唔係嫌人工奀就話份工時間長,點解讀咁多書都搵唔到嘢做吖?咪係因為佢無工作經驗囉,你估讀得書多大晒咩???(我係話有啲人係咁樣)
唔使介懷自己成績亦都唔使同人地比,就算人地攞你同細佬妹嚟比你都唔使唔開心,最緊係你已經盡咗力,有時要識得安慰自己,唔係自己退步,係人地進步,我亞姨讀書都係讀到中三就出去做野,但係佢無放棄學習,佢利用夜晚去進修,讀咗同佢工作有關嘅課程,依家喺公司佢係除咗老板就係到佢嘞!!!(係管理幾千人嗰隻)
喂!喂!喂!唔好鬼去search啲嘢喇~~~開心啲啦~~~痛苦要讀開心又要讀,你揀邊樣吖?我讀書就係咁架嘞,總之成績係比上不足,比下有餘,讀書時讀書,遊戲時遊戲,做人讀書好做野好,要識得平衡吓至得嘅,唔係好易痴線架!!!!!u know
圖片參考：http://hk.yimg.com/i/icon/16/10.gif

可能是時候未到而已！積極做好現在，雖然未必會有名震江湖之日，至少不會再後悔了嘛。重要的是，到你百年歸老、離開這個世界之日，你為這個世界留下了些甚麼！

你唔好對自己要求咁高啦,放開啲啦,你要不斷去比較去追求,咁你會好辛苦,你無一分鐘可以停低,名利對於你來講真係咁重要?你做人既意義就係要去比較同追求,咁你會白白浪費你的人生!

唔好唔開心啦^^
我個妹~ 佢成日都考第一~ 我就一次都未考過第一~
而且我阿媽成日當住我面~ 周街同人講我個妹幾叻幾叻~
但係~ 唔開心就梗有架啦~
同埋~ 係自己既細佬妹~ 佢地有好成績~ 你應該開心~!
每個人都有自己既長處!! 仲有~你比佢地年長~ 人生經驗已經比佢地豐富!
我雖然體育唔係好叻~ 但係就好鍾意運動~
我個妹佢讀書叻~ 但體育唔得~ 所以佢都覺得我呢點好叻!
你做大既~ 應該做好榜樣! 有時~ 人睇你好^^ 你睇人好架姐!
唔好咁啦! 畀d信心自己啦! 有咩唔開心就同朋友傾下~ 或者上黎知識啦 =]
好多野都比成績重要! 成績叻~唔代表修養好~
你仲讀緊書嗎? 哈~ 咁就收拾好心情~ 努力d啦!!
我上網search都冇我既叻野啦~ 最多幾多年度,咩班..有過呢個人~
嘻~ 隨遇而安啦~