美洲豹同非洲獅一問...

美洲豹，（學名：Panthera onca），又叫做美洲虎，係世界上第三大嘅豹屬動物，亦都係西半球最大型嘅貓科動物，外表型態的確同豹極之相似，但係較粗壯，圓斑中有黑點，毛色亦較為深黃。同虎一樣同係食物鏈嘅頂級捕獵者。佢係美洲地區唯一嘅豹屬動物。
體長 1.62 到 1.82 米，體重 56 至 96 千克，有啲可以重到 130 千克。外表似虎豹綜合體，肩臀較壯，黑斑中有圓點，四肢同下側腹則形成較大嘅黑點，背脊嘅黑斑有形成一條線嘅橫紋。同豹一樣會有黑化嘅個體。

分布地同棲息環境
從美國佛羅里達州直到阿根廷中部，喺雨林、沙漠同埋高山都有分布，但主要偏好近水嘅生境

具領域性，可互相重疊，雄豹領域大細係雌豹兩倍，可能同幾隻雌豹重疊，活動範圍大約 2000 到 3000 米，最大可將近 60 千米。會發出多種叫聲，表達情緒。美洲豹亦都貓科中唯一以襲擊獵物頭骨作為捕獵技巧嘅動物，力大幾乎及得上獅子，可拖着一隻牛長途咁行。利齒亦有咬碎獵物頭骨以及龜殼嘅能力。

響南美洲食物鏈上端，食物包括魚、水豚、鹿、剌鼠、野豬、淡水龜等，甚至係牙尖嘴利嘅鱷魚。近年研究亦發現美洲豹原來有食腐肉嘅習性。


[編輯] 生殖
豹乸成年都可以生仔，但各地生殖高峰期無一定，懷孕期大約 90 到 110 日，一胎大約生一到四隻，豹仔兩到十天後會開眼。

保育現狀
由於美洲豹所居住嘅環境一直受到破壞，加上人類對皮毛嘅需求，傷害家畜等種種理由，令美洲豹數目日漸減少。

美洲豹係香港動植物公園裏面嘅「鎮園之寶」，現時養咗四隻，佢哋住響大型美洲豹籠舍內。籠舍喺兒童遊樂場斜對面，於 1994年完成，面積比起原先位於獸籠入口旁邊，喺 1976年完成嘅舊有籠舍足足大成 4 倍。

豹的速度較快,但在400平方米裡抓不到獵物便會放棄,因為冇氣.
雄獅對雄豹:由於雄獅平常不用出外捕食物(由雌獅負責),因此不太靈活.so:豹win,當然是在公平情況下.
雌性的話,雖然速度差縮小,但還是差得遠.