爸爸包二奶, 全家我最清楚 ,點算...

我都好同情你(早10年前我爸媽都係,最尾佢地都係離婚收塲),依個世界永遠都係當局者迷,當一段婚姻有第三者出現,其他局外人(包括仔女)會好清楚負心人係边一個,但係局外人可以做既野係好有限,怎至往往會有反效果.最後只有係等當事人清醒作決定.
我可以試吓比D建議你.
第一.你千期唔好用你把口話比你媽聽,你爸爸包二奶,因為如果你爸爸知道係你講之後,你再同佢講嘜嘢佢都唔會聽.
第二.如果你想同你爸爸傾,記得說話裹边或語氣,唔好話佢包二奶,又比$$嗰女人,好衰,好賤,因為如果你咁講,你爸爸會好反感之後佢又唔會再聽你講落佢.
第三.就算你爸爸决定係点,作為佢仔女既你,人前人後都唔好講佢既不是壞話,因為萬一佢想返轉頭,但面對你地佢都會有陰影.
你可以揾一個机會得你同爸爸兩個人,試吓用你親情,用你真心感受同佢傾,問下佢係唔係忍心去搞破一個由佢帶領,及你們一家人用咁長间及咁多感情建立大好家庭.
最後其實喺感情方面係冇永遠對錯,事情永遠係有兩面,(或到你年記大D會明白)就算你爸爸有錯你都應該原諒佢,就像你小時候做錯任何事,你爸爸都會原諒你一樣‧你要記得,兩夫婦關係可以改變‧但你父女,父子,母子,兄弟姊妹既關係係一世咖,要好好真惜.只要你爸爸佢負責任,(你地日後生話費)之後個結果係今佢覺得過得開心,

2008-01-28 00:00:31 補充：
ee131618我對於你建議真係唔認同,因為你所建議既都只係一時意氣,無助於成件事,你諗吓一個最好結局係佢爸爸返轉頭,如果學你咁做我相信100%唔會返轉頭,令外佢地一家人同佢爸爸關係就此決烈,你可能會話咁既老豆唔要就算,但係你有冇諗吓嗰個唔係你爸爸,你就講得輕鬆,千期唔好教人做d會影响人地父女感情,但對件事又冇幫助既野.

2008-01-28 00:08:11 補充：
ee131618同時如果你用Ｄ搶錢呀!联同哥哥叫佢老豆 ((如果你仲愛啊媽同我地,,就離開個女人.如果唔係...我地唔會認你.))撰擇,如果咁做你只係會迫佢返個二奶身边.因為你試諗吓,如果係你,返到香港既屋企,做老豆既佢,喺d仔女面前無哂尊嚴,仲要千夫所指,而大陸屋企,個二奶就萭千温柔,咁你話佢老豆會做.其實好多離婚夫妻關係,都係其中一方有事發生,另一方又反應過激,整件事發展都令對方無灣轉而分手.ee131618你係咪有過類似經驗,如果我冇估錯個結果都係分手收塲,同時令你咁唔開心,咁樣你仲叫他人用同樣方法,得同樣結局,受同樣痛苦.

哎!自從大陸開放之後就拆散咗好多家庭,你老豆祇係其中一個,好多男人有冇錢都會上大陸滾吓,開頭就話上去泵吓骨,泵泵吓就上埋床,上上吓床就包埋女人,好多人就怪大陸啲女人,講真啲男人唔去滾,大陸啲女人點會有錢搵,要怪就怪啲男人賤格,見到女人嗲吓佢就中晒毒,連自己有老婆仔女都唔記得,我諗你亞媽已經feel你老豆嘅行為,可能佢為咗要有一個完整家而啞忍,你知道咁多嘢千其唔好同你亞媽講,等你亞媽自己處理喇,如果稍有一啲差池可能將件事情變壞,一動不如一靜,你應該靜觀其變,平時你對住你老豆嘅時間多啲,你咪同老豆傾吓計咁問老豆你平時俾幾多錢亞媽做家用架?睇佢有乜反應,如果佢鬧你多事,你咪話見亞媽咁辛苦出去做嘢,如果俾多錢亞媽等亞媽唔洗出去做嘢,屋企有人煮飯湯水都多啖啦,有湯水身體都健康啲嘛,你話係唔係吖!老豆.如果你想講得深入啲,你就作個古仔話你有個同學好慘呀,佢亞爸包二奶俾佢亞媽知道咗,攪到好大件事呀!總之你一於老作,睇佢重唔重視後果啦,好多嘢仁做咗係要付出代價架!!!!!!!!!祝你好運~~~~~~

你唔係同你阿媽講, 你係要叫埋你阿哥一起同你老豆講!!!
同你阿媽講, 佢一定好傷心, 而且你又唔知件事係咪真係咁, 你哋兩個問左你老豆先, 因你哋都大啦, 已有權知噃.
我覺得如果你老豆對呢頭家仲有留戀, 而且仲知自已兩個仔都知自已喲衰野, 可能會收手都未定......

利D野外人好難比意見,正所為[清官難沈家庭事]
不過如果係我,我會一直扮唔知,因為利D係大人啲事
佢地自己會有方法,再者,你呀爸做得出利D野,
都知會有咩後果,你呀爸可能對你呀媽冇左感情,
唔可以強求佢地再一齊,禁對佢地都冇好處!!

如果我係你就同你丫哥講講先 之後再唸唸..話唔話俾丫媽知道===(最好俾你丫媽做決定)===
因為好覺得你丫爸真係好對唔住你丫媽 至於你丫爸同二奶,唔理佢地啦 支持丫媽ga決定

同埋最緊要睇你點唸姐-有d人接受到有d人接受唔到
有好多野都最好自己決定 如果仲有野想問可以搵我 [email protected]