究竟有沒有黃金少年SEASON 5 o架?

你係指黃金少年全集提過既Season 5「黃金風暴」?
我就認為真係會再有既機會唔大，因為其實SEASON 4已經交代晒所有主角既野，
何況我都覺得個預告比較假，
先提供左個預告：
承接season 4故事發展,三十年後,黃金市內有一間幾百呎的「水貨鋪」由專營日本裹原宿潮流水貨「吉品博打袋」發展成坐擁六億資產的服裝連鎖店。其話事人正是發明俠,自從量產型64號改變歷史後,發明俠娶了謝拉為正室,但她依然擔憂一日絕症復發,故私下哀求洛佳儀下嫁發明俠,待一天自己與世長辭可以代為照顧發明俠,可惜礙於實施一夫一妻制,洛佳儀只好做有名無實的妾侍。謝拉育有一子一女,洛佳儀亦誕下一子,加上養子發達、謝拉好友阮茵茵及吳水三人,一家九口成了個和諧之家。
發達雖為養子但與發明俠行為舉止一模一樣,自小為屋企打理家族生意,故行內人稱他們為「大、細發」。發明俠一直將細發視如己出,細發對發家感激萬分,所以總愛以自己樂天性格逗家人很高興,發家人人都叫他「低低地」。
我認為若果量產型64號真係能夠改變歷史，
咁姐係龍兄鳳弟等人都會重生，
咁續集就自然唔會變得咁簡單喇…
而且呢個預告一睇落去就覺得好似當時好Hit既「溏心風暴」。
試問一個成功既廣播劇有無可能會抄足電視劇既橋段呢？
我就覺得903唔會咁做喇。
而根據書中所寫，續集會「暫定十年後推出」，
到時一班DJ同編劇都可能已經各散東西喇，
而且若果903係想推出既，
點解唔緊接SEASON 4推出SEASON 5呢？
所以我都係認為呢個只係一個吸引讀者購買既噱頭黎姐。
我當時都有追聽黃金少年，真係好好聽同好中意，
聽到鳳弟和茵茵死果兩集真係忍唔住喊。
所以我覺得呢個廣播劇係十分精彩既!
希望今年 903 都會再有大作出現！