MBA跟MSc的分別

一般黎講，MBA係比較general，同埋比較著重管理方面嘅技巧．

而MSc通常都係比較技術性嘅．

如果唔客氣咁講，MBA都係吹水多於一切，而MSc就真係落手落腳做嗰種．

讀MBA可以揀Major乜嘢（當然唔一定有得揀，要睇學校點安排），例如：Marketing，Finance．．．等等，MSc都一樣．

學費呢．．．如果有分別，通常都係MBA比較貴（通常政府都唔會資助呢類學位課程），不過，如果計讀嘅時間，要快畢業，就會係MBA快D（有D可以快到一年就畢到業），入學難度呢？MBA有可能唔會要求一定要有學士學位（甚至中學未畢業都有機會入到），只要你有一定嘅管理經驗（通常冇學位，就要做過／做緊高層），而MSc通常冇讀過大專都唔會收．認受性就要睇你本身背景，同埋讀邊間大學嘅Master啦，如果係哈佛嘅MBA唔會有人唔認囉．