好想向一個已有男fd既女仔示愛......

鐘意一個有男朋友既女仔... 即係話個女仔都幾ok啦, 同時有兩個人鐘意佢!
示愛...... 唔係一定要用口講出黎嫁! 講左就無得番轉到啦! 千祈唔好呀!
咁其實你自己想有咩答案先?
其實個女仔對你係點? 你自己心裡有數! 如果佢對你都有野, 你主動表達, 佢既反應一定係好開心!　但相反，佢無野時你話比佢知你鐘意喎！　佢會有小小迴避你嫁！　所以，你自己諗下，如果只係想比佢知就夠，送小小迷你朱古力！唔太誇時都唔使無ｆｒｉｅｎｄ做！　送完之後唔使講太多野，最好唔講，佢會明ｋａｌａ！　
　

你有勇氣既話,就講吧

唔講既話,都唔係冇勇氣既,其實默默係身邊守護佢,都係一種辦法
如果你係十幾廿歲,咪等下lor
你急住想搵個伴,又可以一邊等,一邊去物色其他女仔

如果你打算同佢講,你要作最壞既打算. 因為人地有男朋友,呢個因素對你完全不利,除非個女仔突然愛你多過愛佢. 但個機會應該都好微......

千萬唔好，呢種情形你輸嘅機會，即係佢唔會接受你嘅機會幾乎係九成九。如果你唔計較輸贏，只係希望講左出嚟個心會舒服啲，咁更加無謂，因為你可能會因此令到你同佢連朋友都冇得做，亦失去左你日後可以追到佢嘅機會，但求一時之快而付出代價，好唔值得。
但人地有男朋友唔代表你冇機會，關鍵係要忍、要等機會。佢同佢男朋友拍拖，冇可能一直都如膠似漆，一定會有感情嘅低潮期，亦即係你乘虛而入嘅時候。但呢啲機會一定要等，唔好以為可以自己製造，因為一般人絕對唔識用乜野反間計，你只有喺旁邊等機會，但一般情形嚟講機會一定會來，而且到時可能個形勢對你有利到你估都估唔到。不過好多人就係做唔到等同忍呢關，等得一排忍唔住直接同個女仔講，會輸得慘不忍睹。難聽啲講句，我當日都係第三者，我等呢個機會足足等左年半，但俾我成功到，所以戒急用忍係第一步。
喺等嘅同時，你亦要積極裝備自己。即係你要同佢做friend，但一定只可以係好普通嘅朋友，因為如果你做到好想同佢好friend，佢男友一定會feel到你嘅意圖，佢會叫佢女友疏遠你，通常喺呢啲情形個女仔都會聽個男友講，犠牲同你嘅友誼，咁你就game over。所以要成為好朋友都要等機會，你唯一可以主動做嘅只係主動同佢做個好普通嘅朋友，同埋以好普通嘅朋友嘅身份，keep住同佢聯絡、見面同傾偈，但一定要點到即止，唔好超越普通朋友嘅底線。
但普通朋友friend了一段時間，個女仔好容易會主動同你講多啲心事，即係將你同佢嘅關係提昇至好朋友甚或知己嘅關係，但個過程一定要由個女仔做主動，你只係製造個環境俾佢做主動。
到佢同你成為好朋友，佢一定會同你分析佢同佢男朋友嘅野，想你俾佢意見，而且佢多數會同你傾嘅都係佢同佢男友之間嘅唔開心地方，咁你就可以知道佢地段感情嘅弱點喺邊，你就知道乜野時候你會有位入。
但縱使行到呢一步，仍要睇你同佢嘅緣份，如果佢真係同佢男友天生一對，最多只係間中嗌吓交，你亦要面對現實；又例如，你雖然可以同佢分享心事，但你唔能夠係言語間令佢覺得同你傾偈好開心，即係你地唔啱key，咁你亦要接受你地唔啱做情侶。
如果到時佢真係同佢男友好唔啱，反而同係好啱key嘅，你到時先靜靜地試佢口風，你嘅機會會好大。
總之你肯等，一般半年至年半之內，一定會有屬於你嘅明顯機會。

just do it never mine

我認為你唔應該講..你都話..人地有男朋友..咁你就唔好拆散人啦