在中國大陸讀法律在澳門受承認ma???

響澳門讀法律，唔係要英文好勁，而係要葡文好勁先得（至少要有Grau III程度，先有機會入到同埋讀得掂）．

基本上，澳門係唔會唔承認任何地方讀到嘅學位，不過，澳門法律界係小圈子，你冇關係，冇人面，都好難入行．

官方講法，如果你響其他地方讀法律，要響澳門執業，返到澳門，要讀多一年”補充課程”，學澳門同埋葡國法律特殊嘅嘢，然後要經過實習（澳門畢業都要實習），先可以正式執業（不過，唔識葡文，或者葡文唔夠叻，就冇乜可能做得掂）．

想做司法？意思係做司法警察？定係司法事務？如果係司法警察，咁讀乜都冇所謂（唔讀大學都得），如果係司法事務，咁就最好響澳門或者葡國讀法律，同埋學好葡文先講啦．

2008-01-28 23:15:58 補充：
讀完大學，就正正經經去考政府文職職位啦，仲考警察做文職搏升？升極都唔算好高（人工，相對文職職位）．

其實5會5承認.....只不過大陸同澳門的法律一定會有相同的地方...但是好多野都5相同...系邊到讀法律..邊到就會承認....你考慮下...最好系返澳門讀la...